Dza idua na ibu,
Ofi tsetse pem ndɛ,
Akwan nyinara mu
Mbra bi nnye iyi nsɛ:
Dua kuma a atsɛw
Na onyin yɛ tsentsen
Dɛw no nsowee yɛ dɛw.
Wen so nedze yɛ wen
Bɔn nnyɛ o! Damfo, bɔn nnyɛ ,
Bɔn n’ekyir wɔ mbusu,
Mbusu a onnyi nsɛ,
Mbusu a owie nyinsu
Ntsi papa na oye
Dɛ nyimpa yɛ dabaa
Ama ne bra eewie yie
Wɔ akwan nyina m’ daa.
Ansaana biribi
Bɛhyehyew obi n’ ,hwɛ,
Nna no so rehyew bi,
Nna no so rehyew sɛɛ
Beebi a nsu fi ba no
Osi dɛn hɔ yɛ wesee
Obi mma dede do
Na ɔno nnya asomdwee.
