Owura Kwesi Pratt a ɔyɛ nhwɛdofo panyin ma insight dawurbɔ krataa atotow bi dze amona International Monitory Fund (IMF) Ɔkwankyerɛfo Panyin Kristalina Georgieva ɔfa ne nsɛm bi a ndaasa yi ɔkae faa Ghanaman ho.
Maame Kristalina n’asɛm nye dɛ,Iba ɔman yi mu a,ɔnnyɛ dɛ ɔmanpanyin Nana Addo ne nhyehyɛɛ a bronyi frɛ no policies no na ɔama ɔman yi mu ayɛ dzen, na mbom ɔyɛ Russia nye Ukrainefo hɔn atwɛrbɔ no a ɔmaa ne homen do ndaasa yi no na ɔama ɔman yi mu ayɛ dzen.Mpanyimfo pii noara na wɔakasa afa Maame yi ne nsɛm a ɔkae yi ho dɛ ɔnnkɔ yie.
Na daano yi ara na Owura Kwesi Pratt dze tow gua wɔ noara ne tɛlɛbihyɛn do a wɔfrɛ no Pan African tɛlɛbihyɛn do dɛ,na nkyɛ ohu dɛ Maame Kristalina no ho yɛ fɛw yɛ ahomka yie papaapa naaso, n’ano m’ nsɛm na n’ahoɔfɛw bɔ ebira.
Saintsir nye dɛ,iba ɔman yi mu a,hɛn cedi no famu kɔ ara na ɔrokɔ na Russia nye Ukraine mpo a hɔn ara woenya hɔn atwɛrbɔ mpo hɔn sikasɛm gyina yie,na ɔyɛ dɛn yɛ na hɛn a yegyina nkyɛn mbom no fona ara na yɛrofona yi? Ntsi Ɔbɛyɛ a, Maame Kristalina Georgieva ntwe nsɛm a ɔkae no nsan.
