Fitsi wiadze n’ahyɛse ndua dze hɔnho abɔ afɔr ama nyimpa. Tsetse no nna ndua ase na nyimpa dze yɛ ne tsenabew. Ɔsanee dze ndua yɛɛ ntaabow akodze. Nyimpa hun dɛ wɔdze dua sɔ gya ara na ɔhyɛɛ ase dɛ ɔrehyew biriw. Ekyir no nye seseiara mpo ɔdze ntaabow yɛ ngua , mbobow , hɛmba na pii a ɔkeka ho .
Ndua mma hɛn ndɔbaa nko, mbom wɔdze yɛ nkrataa so. Ɔno kor yi ara so na wɔdze yɛ makyese. Ntaabow ahorow so a yenya fi ndua mu no na wɔdze yɛ apon na ngua ahorow a wɔdze siesie fie ne edwuma a ɔfese ahorow wɔ mu no mu. Dɛm ndua kor yi ara so mma kwan ma nsuyirii mmba. Siantsir nye dɛ ndua mma asaase mbɔnka nnyiyi noho a nsu bɛfa mu apem.
Seseiara mpo, Ghana ha, nyimpa pii na wɔtsetse ntaabowdan mu. Ndua ase yɛ tsenabew ma mbowa mbɔyafo tse dɛ nsebɔ na ngyata. Sɛ nnyɛ dɛm a nnkyɛ nyimpa tsirmuɔdzennyi nnkɛma woeenya hɔn hwen mpo ahwen mu. Ndua gye mframa bɔn a nyimpa yi no na wɔdze mframa pa a oye ma nyimpa no. Sɛ ndua nnyi wiase a nkyɛ nyimpa bɔfona dodow.
Ndua mu yɛ tsenabew ma nnoma anaa ntumbowa. Ndua nkɔn mu na nkorbata ahorow mu na nnoma yeyɛ hɔn buw, tow hɔn nkyirefuwa bobɔ ma yenya ntumabowa ahorow pii. Hɔn ho wɔ mfaso ma nyimpa wɔ kwan ahorow do. Ndua ma nyimpa edur. Yenya amam so wɔ ndua mu a wɔdze yɛ ndzɛmba pii boa nyimpa. Yɛsan nya kool wɔ ndua mu.
Ghana aban etu anamɔn pa dɛ ɔroboa ma hɛn kwaa etu mpon. Dɛ mbrɛ inyim no, dɛ mbrɛ nhwerɔma twetwe ndwom no, dɛmara so na ndua frɛfrɛ nsu. Dɛm ntsi wɔahyehyɛ mbra soronko a ɔbɔboa ma hɛn kwaa atsena hɔ ama hɛn. Iyi ntsi, Obiradzi 10,2022 aban yii sii hɔ dɛ wɔmfa nduandua ndua hɔ Ghana ha. Iyinom nyina ekyir, ndua twitwa basabasa ano mmbɔɔ adze.
Kwaeyɛ afe a wodzi no ɔman yi mu afe biara no hyɛ nkorɔfo nkuran dɛ yenduadua ndua pii mbɔ abɔdze ho ban na ɔmma hɛn mframa pa so, naaso ogu binom aso ekyir. Sɛ aban ne nsa sɔ obi mu a, orunngyaa no ntsi eka ho resɛɛ ndua nye hɛn kwa yi a ɔno gyae.
