Mbranyimnyi Salomey Erica Abekah a ogyina mu ma aban ananmusinyi wɔ Ellembelle mansin no mu a ne dzin dze Owura Kwasi Bonzoh dze ato gua dɛ, aporisifo amma no akwangya no ma oennhu Owura Bonzoh ber a wɔkyer no no wɔ Wukuda, Fankwa ne da a ɔtɔ do esoun wɔ afe 2022 mu.
Ɔkyerɛ dɛ kwadu a wɔdze bɔɔ no no nye dɛ nkyɛ ɔnnkɛma no ho kwan ma aporisifo akyer no na afei so ɔyɛ n’adwen dɛ nkyɛ ɔrepɛ nye aporisifo ayɛ basabasa ber a wohun excavator no wɔ Ankobra. Ɔkyerɛ dɛ mpempemdo yi dze, ɔhyɛ atɔre mantɔw porisipanyin ne nsa.
Mber kakra ekyir a wɔkyer Owura Bonzoh na ɔnye Ellembelle Npp kyerɛwkyerɛwfo panyin Francis Appiah no, Salomey Erica Abekah , mbranyimnyi yi dze too citi news fo enyim dɛ afei na orubohu Owura Kwasi Bonzoh.
Ne nsɛm a ɔkae nye dɛ” Ɔaka akyerɛ me dɛ ɔwɔ ha ntsi mo so mowɔ ha dɛ morobɔhwɛ ma ne fahodzi ayɛ edwuma” Ɔsanee kaa dɛ, ɔakɔ porisipanyin a ɔwɔ mantɔw no mu no ne nkyɛn na ɔaka akyerɛ no dɛ mbrɛana Owura Kwasi Bonzoh rebɛkyerɛw n’anomu asɛm a na ɔgye dzi dɛ Owura Bonzoh a ɔyɛ aban ananmusinyi wɔ Ellembelle mansin no mu no bɔkɔ fie ndɛ yi ara.
