Anɔna ebusua yɛ Mfantsefo hɔn ebusuakuw no mu kor. Dɛm ebusua yi na nkyɛ wɔfrɛ hɔn Dehyenafo no. Mbrɛ ɔbɛyɛɛ Anɔnafo nye dɛ, ɔtɔ dɛ aber biara sɛ wohyia na wɔrodwen a, panyin kor bi dze, ɔtsena nkyɛn yɛ dzinn dɛ gyama asɛm a wɔreka no ɔmmfa noho.
Mber pii na ɔyɛɛ dɛm ntsi Dehyena ebusuapanyin no bisaa no dɛ, “O, Awɛ, ebɛnadze ntsi na aber biara yɛrodwen a nna ayɛ woho dɛ gyama ɔwo eyɛ ɔnanaben yi? Ɔdehye besiaba na eyɛ woho dɛ gyama eyɛ ɔnanaben yi”.
Ebusuapanyin no ka dɛm ara na ɔpanyin no no bo fuwii na ɔka dɛ, “Sj ihu me dɛ meyɛ ɔnana dze a nna ɔno medze me nanaa bɔkɔ”. Iyi ntsi, ɔnye ne fiemba paa hɔnho fii Dehyenafo no ho kɔbɔɔ hɔndze ma nkorɔfo too hɔn dzin “Anɔnafo”. Ɔno nye ndɛ ebusua Anɔna yi. Abowa Ekoo na ɔyɛ hɔn asɛnkyerɛdze.
