Afe biara no, mbasiafo bɛyɛ ɔpepe ahaenum na wowu wɔ abaatanyɛ nsɛm ho. Dɛm owu yi bi fi nyinsen na awoo mu. Iyi ma wogya mbofra mpempem ngyanka. Dɛmara so na afe biara mbofra ɔpepe ahaebiasa hwer hɔn nkwa. Ebɛnadze na ɔma mbasiafo na mbofra yi wu afe biara dɛm? Siantsir a odzi kan nye dɛ, mbasiafo binom nnya mfe duawɔtwe na woenyinsen.
Binom so bor mfe eduasa enum ana woenyinsen. Basia ne nyimpadua nnyaa mfe duakron a onnyi ahoɔdzen a ɔdze a ɔdze gye abofra. Obi nnyaa mfe duawɔtwe na ɔwo ba a, abofra no taa yɛ ketseketse,na ɔtaa ba no dɛ abofra no ne mber nnso na ɔawo no. Mbofra a wɔtse dɛm no taa wuwu wɔ awoo ber mu. Woennwu hɔ ara so, ntɔ mber a onya afe kor no,nna oeewu . Na no so taa wu.
Sɛ ɔbaatan bi wo na abofra no ennya mfe ebien na ɔwo n’ekyir a,abofra a odzi kan no nntaa nngyina anaaso nnya ahoɔdzen papa. Ɔbaatan hia mfe ebien ama ne nyimpadua agye n’ahom yie, ansaana ɔasan enyinsen bio. Sɛ ammba no dɛm a, ɔbaatan no kegyina gyinabew a ɔyɛ hu so wɔ n’awo a ɔtoa do no do.
Awoo dodow a ɔbor baanan so tum dze ɔhaw brɛ ɔbaatan no. Sɛ ɔbaatan wo anan wie a, nyimpadua no gogow, ntsi awo nkaa a ɔtoatoa do nyinara mu yɛ dzen. Ena na abofra no nyinara tum hwer hɔn nkwa wɔ awo a ɔtsetse dɛm no mu. Yebotum esiw mbɔdomawu ano wɔ dɛm akwan yi do. Basia hu dɛ onyinsen ara a, yegya mfe ebien to mu ansaana wɔawo mba. Mfe a oye ma ɔbaatan dɛ ɔwo ne mba wɔ mu nye ofi mfe duawɔtwe dze kesi eduasa enum. Dɛm mber yi na ɔbaatan wɔ ahoɔdzen mapa a obotum dze egyina ano. Mbofra a wɔwo hɔn dɛm mfe yi mu no so nya ahoɔdzen soronko.
Ɔpemfo hia edziban Ahorow a ɔboa ɔno na abɔdomaba no nyinara. 
Bi nye merekye, nduadzewa ,bɔgyanam, nkyirefuwa, eburow edziban na emo edziban. Sɛ obi yɛ ɔpemfo a, onnyi dɛ nduadzewa pa no ho koraa. 
Wɔwo abofra a ɔwɔ dɛ amonmu hɔ noara wɔhyɛ ase ma no enumfu. Iyi na ɔwɔ dɛ odzi ara kɛpem dɛ obenya abosoom esia. Ekyir no, wotum dze edziban ahorow ka no ho, naaso ɔwɔ dɛ ɔkɔ do num ara bɛyɛ mfe ebien. Doroba a wɔwɔ no mbofraber mu so hia papaapa. Iyi bɔ mbofra no ho ban fi nyarba nyarba ho, nkanka nyarba bɔn esia a okuku mbofra no.
