Sԑ wᴐyԑ nhwehwԑmu hunu no sԑ woanya awodeԑ ano kokoram no bi a, dᴐkota no nam ano den so bԑto no din ama no nnidisoᴐ a wowᴐ mu. Mpᴐmpᴐnsoᴐ a yadeԑ no aduru na ԑkyerԑ sԑ atrԑ, na sԑ atrԑ a, ahwԑ sԑdeԑ asi atrԑ afa. Sԑ wo dᴐkota nya baabi de wo kokoram no hyԑ wᴐ nnidiso no mu a, ԑbԑboa no ama no ahunu aduro anaa ayarehwԑ a ԑsԑ sԑ ᴐde ma wo. Awodeԑ ano kokoram wᴐ nnidisoᴐ ahodoᴐ nnan, na ԑno na ԑdidi soᴐ yi;
- Nnidisoᴐ a ԑdi kan: Saa nnidisoᴐ yi mu no, kokoram no sua koraa, a ԑnterԑ nkᴐᴐ nipadua no akwaa nkaeԑ no mu. Ԑbԑtumi aba ԑwᴐ saa berԑ yi mu no, na aterԑ kᴐ nipadua no fa bi a ԑka nkwammoa no ho a ԑko tia nyarewa (lymph nodes) no ho.
- Nnidisoᴐ a ԑtᴐ so mmienu: Ԑha yi no, kokoram no renyini yԑ kԑseԑ. Ԑbԑtumi aba sԑ na aterԑ atera awodeԑ no ne awodeԑ no ano no, ne mpo nipadua akwaa a ԑka nkwammoa no ho ko tia nyarewaa wᴐfrԑ no lymph nodes no. Ԑha yi no, ԑda so ara gyina awodeԑ no mu, ԑnterԑ nkᴐᴐ akwaa afoforᴐ mu.
- Nnidisoᴐ mmiԑnsa: kokoram no aterԑ aduru ᴐbaa no “baa” no fam ne ne sisi mu. Ԑbԑtumi asi awodeԑ no ne dorobԑn a ԑgye dwonsᴐ firi wo saa mu ba wo dwonsᴐtwaa no mu no kwan. Ԑnterԑ nkᴐᴐ akwaa afoforᴐ mu.
- Nnidisoᴐ nnan: Saa nnidisoᴐ yi mu no, ԑbԑtumi aba sԑ na kokoram no atrԑ afiri sisie no mu kᴐ akwaa nkaeԑ bi te sԑ aherawa, dompe anaa brԑboᴐ no mu.
Afei sԑ awodeԑ ano kokoram no afifiri wᴐ awodeԑ no nko ara mu na ԑnterԑ nkᴐᴐ baabiara a, onipa no wᴐ akwanya bԑyԑ ᴐha mu nkyekyԑmu 92 sԑ ne ho bԑtumi atᴐ no wᴐ mfeԑ nnum ntam. Sԑ ԑterԑ ba sisie no mu a, akwanya a ԑwᴐ hᴐ sԑ ᴐbԑnya ahotᴐ wᴐ mfeԑ nnum ntam no so te ba ᴐha mu nkyekyԑmu 56. Afei sԑ ԑterԑ kᴐ honam akwaa ahodoᴐ no so a, ԑno deԑ na akwanya a ԑwᴐ hᴐ no so ate aba ᴐha mu nkyekyԑmu 17. Wei nti ԑsԑ sԑ mmaa a wᴐwᴐ awodeԑ ano kokoram no kᴐ so ara ma wᴐfiri wᴐn berԑ ano berԑ ano. Sԑ yԑhunu no ntԑm a, ayaresa wᴐ hᴐ.
Awodeԑ ano kokoram ne nyinsԑm mu nsԑnsԑm
Ԑntaa nsi sԑ wᴐbԑhunu sԑ ᴐpemfoᴐ bi anya awodeԑ ano kokoram, nanso ԑtumi si. Awodeԑ ano kokoram a ԑtaa da ne ho adi wᴐ nyinsԑn mu no yԑ deԑ ԑfifiriiԑ nkyԑreeԑ. Sԑ ᴐpemfoᴐ nya awodeԑ ano kokoram a, ԑyԑ a na n’ayarehwԑ no yԑ nwononwonann kakra. Ↄpemfoᴐ no dᴐkota bԑtumi agyina nnidisoᴐ a ᴐwᴐ mu ne baabi a waduru wᴐ nyinsԑn no mu so ama no ayi ayarehwԑ a ԑsԑ. Sԑ awodeԑ ano kokoram no baeԑ nkyԑreeԑ na ԑwᴐ nnidisoᴐ a ԑdi kan no mu a, ᴐpemfoᴐ no bԑtumi awo ansa na wahyԑ ayarehwԑ ase.
Sԑ kokoram no kᴐ n’anim nso a, agye wᴐde nkanea a ano yԑ den nane no, na ne saa no, ԑsԑ sԑ ᴐpemfoᴐ no si gyinaeԑ sԑ ᴐbԑpԑ sԑ ᴐbԑtoa nyinsԑn no so a. Sԑ abᴐfra no duru berԑ a ᴐbԑtumi anya nkwa wᴐ abᴐntene a, adᴐkotafoᴐ no bԑyi no na wᴐama wo ayarehwԑ.
