Nnubᴐne binom a εwᴐ nsunsuansoᴐ wᴐ adwene no so no sεe adwene no fa bi a εma nnipa bᴐ obi aba so, ma nnipa ani gye anaa wᴐn ani sᴐ adeε, ne sε wᴐde wᴐn ho rewura tebea a εyε hu mu. Saa nnuro yi de nnuro bi a εde anigyeε mmorosoᴐ nam kᴐhyε adwene no mu ma, na εma wᴐn a wᴐde di dwuma no nya anigyeε mmorosoᴐ bi nteaseε.
Wei hyε nnipa nkuran ma wᴐde ahopeperε kᴐpε nnuro yi bi wᴐ kwan biara so de di dwuma sεdeε εbεyε a wᴐn ani bεgye mmororoᴐ bio. Wei nti, ayε nhyε ama saa nnipa yinom sε wᴐnya bi nom kwan biara so. Nsunsuansoᴐ a εwᴐ saa adwene mu nsesaeε yi so no gu mu ahodoᴐ mmienu; deε εtena hᴐ afebᴐᴐ, ne deε εdi mmerε tiawa bi. Deε εdi mmerε tiawa bi no mu bi na εdidi soᴐ yi;
- Wᴐntumi mfa wᴐn adwene nsi adeε bi so nnwene ho yie.
- Wᴐntumi mfa wᴐn ani nsi adeε koro so.
- Wᴐn bu fu basabasa ne ntεntεm.
- Wᴐn bo fu a, wᴐyε dede.
- Wᴐntumi nhyε wᴐn ho so.
- Wᴐdwennwene nneεma a εntumi nyε hᴐ ho, soso ho adaeε.
Sε obi tᴐ kᴐ so ara nonom nnubᴐne a, wᴐn adwene ne wᴐn adwene mu nsεnsεm tumi sεe. Nsunsuanso bᴐne a εba onipa no so afebᴐᴐ no nso bi na εdidi soᴐ yi;
- Adwene no nyε adwuma sεdeε εsε, enti ᴐdwene a εnsisi so.
- Sε asεm si na mmerε tiawa bi twam a, onipa no ntumi nkae.
- Ↄnnye nnipa nni wᴐ biribi a εho nhia ho.
- Ne werε ho anaa ne sunsum wᴐ famberε biara.
- Ↄteetee berε biara.
- Adwenemuka (dammᴐ)
Nsonsonoeε bεn na εda sε obi renom aduro aboro so ne sε obi retᴐ adubᴐne bi nom mu ntentan
Mpεn pii no, εyε a yεde saa nsεm mmienu yi di dwuma sεdeε wᴐyε pε no; wᴐde ᴐbaako si ᴐbaako anan mu wᴐ kasa mu. Nanso nsonsonoeε da ne mmienu ntam. Obi a ᴐnom aduro bi ma no boro soᴐ no de aduro korᴐ no di dwuma dodo, ᴐde di dwuma ntεntεm so, anaa ᴐde di dwuma wᴐ kwan a εmmoa n’apᴐmuden so, nanso saa nnipa no tumi hyε ne ho so wᴐ saa aduro no ho. Mmom, obi a watᴐ adubᴐne bi nom mu ntentan no de saa aduro no di dwuma wᴐ akwan biara a εha n’abrabᴐ soᴐ nyinaa. Wᴐntumi nyae saa suban no, mpo sε wᴐpε sε wᴐgyae a.
Adwene no apᴐmuden ho hia yie,na yεbᴐ wei ho kᴐkᴐ sεdeε εbεboa ate nnubᴐnenom ho nsunsuansoᴐ a εwᴐ wᴐ adwene no soᴐ no.
