Saa ᴐhaw ahosoᴐ a aninntᴐnnwi ntoasoᴐ de ba no ano aduro kԑseԑ pa ara ne sԑ anka yԑbԑtwe yԑn ho afiri ho, nanso sԑ ԑho bԑhia sԑ yԑbԑhyԑ a, momma yԑmmᴐ yԑn ani ho ban wᴐ berԑ a yԑreyԑ deԑ ԑdidi soᴐ yi;
- Te amaman a wᴐde sᴐ aninntᴐnnwi no so.
- Twe wo ho firi ani ntᴐn nwi a nneԑma bobᴐ mu ho.
- Sԑ woreyi aninntᴐnnwi ntoasoᴐ no a, nya abotare pa ara.
- Sԑ woyi aninntᴐnnwi no a, bepa anaa hohoro aniwa no ase.
- Mfa amaman a formaldehyde wᴐ mu nsᴐ w’anintᴐnnwi ntoasᴐ.
- Wo ne obiara nnkyԑ w’aninntᴐnnwi ntoasoᴐ nhyԑ.
Deԑ ԑkyerԑ sԑ woanya aniwa ho haw
Adwadie nkratoɔ
Sԑ wohunu saa nsԑnkyerԑnne yinom biara wᴐ w’ani ho wᴐ berԑ a woahyԑ anaa woayi aninntᴐn nwi no a, hunu wo dᴐkota ntԑm so na ᴐnhwԑ wo.
- Ↄyaw
- Sԑ aniwa no reyԑ kᴐkᴐᴐ
- Sԑ ekuro ba so anaa aseԑ a
- Sԑ wontumi mfa nhwԑ hann anaa kanea a
- Sԑ nsuo firi so ba a
- Abunu
- Sԑ w’ani so yԑ wo bisi bisi anaa wonhunu adeԑ yie a
- Sԑ aniwa no ase honhono anaa ԑsoasoa a
Saa nhehwԑmu yi abᴐseԑ firi akukudamfoᴐ a wᴐakwadare wᴐ aniwa ne ԑho nsԑm mu, ne saa nti bᴐ w’ani ho ban, na weinom nyinaa si daa.
