Poleeno a ↄtwa sini wↄ Kumase na wagye din no de too dwa nnora Yawoada sɛ Baba Spirit a ↄyi nsɛnkwaa ma nnipa sere nya ahomeka no agyae ne nkwa mu. Ↄkyerɛɛ sɛ na wagye no ato Kotoku ayaresabea a na ↄregye ayarehwɛ, nanso fofie anto ata na wadware bamo, ↄyi firii mu yayaaya.
Ɛfiri berɛ gyaee “Broken News” no yɛ wↄ Adom TV bɛyɛ mfeɛ nnan nie no, yɛnhyɛ da nte ne nka papa.
Nsɛnkwaayini yi kyerɛɛ mu wↄ Bryt TV so berɛ a na wↄne no redi nkitaho sɛ, ↄne yareɛ huuhu bi adi asie ama abubu no agu dan mu afe mu. Baba Spirit rekasa afa saa abenedie yi ho no, ↄkaa ntam sɛ ↄnsane nkↄ TV adwumayɛkuo a nnipa bↄne bi a adwemmↄne ahyɛ wↄn tirim ma pɛ sɛ wↄtu n’ase firi wiase mu no mu bio.
Ne nyinaa nka mfua no, Baba Spirit de too dwa wↄ Kitawonsa da a ɛtↄ so 9 wↄ 2022 mu sɛ ↄne TV adwumayɛkuo foforↄ rebɛyɛ adwuma wↄ dwumadie foforↄ bi ho.
Nnipa dodoↄ no ara nim nsɛnkwaayini yie ɛsiane kuturukubↄ yikerɛ dwumadie a ↄbↄↄ ho dawuro yie wↄ 2018 mu a na kuturukubↄni kɛseɛ Ayitey Powers ka ho no nti. Saa dwumadie yi kↄↄ so wↄ Nkran, Bukom Boxing Arena, na wↄtwa baa TV so.
Seesei ara deɛ, wↄnnya nnaa adekorↄ pↄtee a ɛkumm Baba Spirit no adi.
Yɛma Ghanaman, n’abusua ne n’akyitaafoↄ nyinaa yaakↄ.
