Nnubᴐnenom mu ntentantᴐ yε yareε anaa tebea bi a ayε ne ho koankorᴐ, na ano nso yε den pa ara. Sε obi wura saa tebea yi mu a, nkitahodie nwononwonann pii kᴐ so fa n’adwenemsεm, n’atenaeε, ne yεbea, ne n’abrabᴐ mu suahunu ho. Nsunsuanso bᴐne a εwᴐ nnubᴐnenom mu ntentantᴐ ho nyinaa akyi no, nnipa a wᴐatᴐ mu ntentan no tᴐ kᴐ so ara de di dwuma.
Nnunom a εnsε ho wᴐ nsunsuanso bᴐne pii, a εbi ne sε εma obi nom aduro bi ma no boro sεdeε εsε sε anka wonom no no so, ne mpo owuo. Nsunsuansoᴐ no bi wᴐ hᴐ a, εyε afebᴐᴐ, ebi nso to nnipa no wᴐ mmerε tiawa bi mu. Deε εda adi wᴐ honam ani a yεreka ho asεm wᴐ ha yi bi da adi wᴐ mmere tiawa bi mu, na εbi da to onipa afebᴐᴐ. Deε εwᴐ wei ho ne sε, ano aduro wᴐ hᴐ, anaa wᴐtumi si ano.
Nnipa pii tumi tᴐ nnubᴐne a εnya nsunsuansoᴐ wᴐ adwene so no mu ntentan. Nnubᴐne a nnipa taa tᴐ mu ntentan no bi ne nsa, tobako, nnuro a εmma nnipa ani nkum na berε biara n’ani da hᴐ, na ne ho yε den, nnuro a εma nnipa hunu nneεma binom a εnnim anaa εntumi nyε hᴐ wᴐ n’ani so berε biara, ne honamyaw nnuro.
Nsunsuansoᴐ a εwᴐ nnubᴐne biara nom mu ntentantᴐ soᴐ no sesε, εmfa ho ne aduro anaa ade korᴐ a onipa no atᴐ mu ntentan no. Deε εdidi soᴐ yinom ne nsunsuanso bᴐne a εda adi wᴐ nnubᴐnenom mu ntentantᴐ mu, na εda adi wᴐ mmere tiawa bi mu ntam no bi:
- Ԑma onipa home so te.
- Ԑma honam no mu yε hyehyeehye (ahobene).
- Ԑma akoma no bᴐ ntεntεm.
- Ԑma mogya no ahoᴐden a εde di aforosianeε wᴐ nipadua no mu no kᴐ soro (mogyaborosoᴐ).
- Ԑma nnakorokoro kye nnipa.
- Ԑma onopa yε mmrε berε biara, na εyε no sεdeε ᴐreda no (εma no da basabasa).
- Ԑmma wo nanteε nsisi so.
- Ԑma w’anum to, anaa w’akᴐnnᴐ wᴐ aduane ho ano yε.
- Ԑma wo kasa yε nyaa.
- Ԑtumi nso ma obi de ne ho to aduro bi so pa ara, de ne werε nyinaa hyε mu ntεm so. Wei kyerε sε agye sε nnipa yi anom saa adeε no pii anaa dodo, ansa na ne ho atᴐ no anaa ansa na aduro no afa no.
- Ԑma wᴐda su bi a εtwe wᴐn sane adi bi; te sε: ᴐbrε, ayamhyehyeε, home ho brε, mfifiteε mmorosoᴐ, hwenem nsuo.
- Ԑma obi bo fu ntεntεm.
Nsunsuansoᴐ a εtena onipa no so afebᴐᴐ a εda adi wᴐ honam ani no bi ne sε, εtumi sεe nipadua akwaa no mu titire bi, na εtumi de no kᴐ owuo mu. Ԑmu bi a εtaa da adi na εdidi soᴐ yi:
- Ԑtumi sεe onipa saa ne ne brεboᴐ.
- Ԑtumi ma onipa nya kisikuro ahodoᴐ no nyinaa mu biara.
- Ԑtumi sεe onipa nse (nsehyeeε)
- Ԑtumi sεe honam no.
- Ԑtumi de oboninyε brε ᴐbaa, na εma ᴐbarima ho nsuo gyene.
- Ԑtumi ma obi nya nnwodwoeε yareε.
- Ԑtumi de εtwerε brε obi.
- Ԑtumi ma obi nna mu nkitahodie mu ahoᴐden sεe.
- Ԑtumi de akoma ne aherawa mu nyarewa ba.
- Ԑtumi ma obi wu, εsiane nom a ᴐnom boro soᴐ no nti.
Weinom yε deε εda adi wᴐ honam ani. Atwerε εdi hᴐ no bεkyerε nsunsuansoᴐ a εwᴐ wᴐ adwene no so.
