Nna din a yԑde to nnipa yԑ adeԑ a ԑdi akotene wᴐ Ghana nnipakuo ahodoᴐ no nyinaa amammerԑ mu. Sԑ wᴐwo abᴐfra a edin a ᴐdi kan nya yԑ ԑda a yԑde woo no din.
- Yaa nom yԑ mmaa a wᴐwoo wᴐn Yawoada. Sԑ wowᴐ wᴐn nkyԑn a, ԑyԑ anika ne ahomeka pa ara. Wᴐn ani gye sԑ wᴐbԑsᴐ afoforᴐ ani naa wᴐama wᴐn ani agye na wᴐasere. Wᴐdᴐ abrabᴐ ne nkwa a pa ara. Ԑrekame ayԑ sԑ Yaa nom bo fu ntԑm, nanso ne nyinaa nu no, wᴐpԑ nnipa yie na wᴐtumi ne afoforᴐ siane ntԑm. Ԑno pa ho a, akokoᴐduro mapa ahyԑ wᴐn ma sei tᴐ. Wᴐpԑ nokorԑ ka, na wᴐmpԑ asisie. Wᴐmmrԑ wᴐ nkitahodie ho; sԑ ԑkᴐba sԑ ԑho hia a, na ԑtᴐ da nso a wᴐyi nsnkwaa.Wᴐnsosᴐ nsԑnhunu, nsԑm a ԑnni ani, asisie ne atorᴐ so, na berԑ biara, wᴐsᴐre gyina ma deԑ ԑyԑ, te sԑ ᴐkokoᴐdurufoᴐ Yaa Asantewaa. Wᴐfrԑ mmarima a wᴐwoo wᴐn Yawoada Yaw. Wᴐpԑ nnipa pa ara, wᴐwᴐ gyedie, na wᴐnyԑ kyenkyenenn. Wᴐwᴐ akoma kԑsesԑ na wᴐn su gyina ne nan so, na ԑno tumi dԑԑdԑԑ afoforᴐ ma wᴐyԑ nneԑma. Ԑrekame ayԑ sԑ saa mmarima yi ano ate yie, na wᴐwᴐ kasa mu adom akyԑdeԑ. Sԑ wᴐredԑԑdԑԑ obi ama no ayԑ biribi anaa ate biribi ase yԑ wᴐn su a ԑtᴐ so mmienu. Wᴐnim de, na wᴐtumi kye nneԑma ntԑm. Wᴐn haw ne sԑ, nneԑma binom ha wᴐn adwene ntԑm, na ԑmma wᴐnhunu nneԑma so, agye sԑ aba n’awieeԑ. Ԑtᴐ da a, ԑsiane sԑ wᴐwᴐ gyidie wᴐ wᴐn mu boro so nti, ԑntumi mma wᴐnni nokorԑ mma obi, nanso ne nyinaa akyiri no, Yaw nom yԑ nnipa a wᴐwᴐ anisoadehunu, wᴐn ani gye nneԑma nketewa a ԑwᴐ abrabᴐ mu no ho, na wᴐn ho yԑ anika pa ara.
- Afia nom yԑ mmaa wᴐwoo wᴐn Fiada, na wᴐwᴐ ahoᴐden soronko wᴐ abrabᴐ mu. Wᴐpԑ adwuma, wᴐwᴐ abotare, na wᴐwᴐ nkanyan soronko ma abrabᴐ. Sԑ ԑba sԑ ԑho kᴐhia sԑ wᴐmfa mmara nyԑ adwuma a, wᴐyԑ adeԑ pa ara, na wᴐnim nyansa nso. Ԑno akyiri no, ԑtᴐ da a wᴐn tirim yԑ den, wᴐdwene wᴐn nko ara ho, na wᴐn aso yԑ den kakra. Bio, wᴐyԑ nnipa a wobԑtumi agye wᴐn adi pa ara, wᴐdi nokware, na wobԑtumi de wo ho ato wᴐn so. Kofi nom ne wᴐn mmarima. Wᴐyԑ mmarima a wᴐwᴐ nsusuiԑ ne anisoadehunu akԑseԑ. Sԑ ԑba no sԑ wᴐmfa adwene akԑseԑ mmra na wᴐmfa nsusuiԑ akԑseԑ mmra a, wᴐnni akwansideԑ biara wᴐ ho. Kwan foforᴐ soᴐ no, ԑyԑ den sԑ wobԑdi wᴐn akyi na wᴐahunu wᴐn yie. Wᴐn anigyeԑ wᴐ nneԑma a ahinta mu, nneԑma a ԑyԑ hu, na ԑyԑ nwanwa mu. Honhomsԑm mu adesua, adwenemusԑm ho adesua, amanyᴐsԑm, ne abakᴐsԑm ho adesua a wᴐnam nkuaba ne ahonin so ne deԑ ԑkeka ho taa twetwe wᴐn.
- Memeneda mmaa a wᴐfrԑ wᴐn Ama no wᴐ tema, na wᴐwᴐ tiboa soronkoa ԑkasa kyerԑ wᴐ. Mmerԑ biara, wᴐgyina ma nkabom, na wᴐn atenka twetwe wᴐn ma wᴐboa afoforᴐ. Wei nti berԑ biara wᴐpere hwehwԑ wᴐn a wᴐnni bi anaa wᴐn ho kyere wᴐn no mpuntuo, sԑdeԑ wᴐn ani bԑgye wᴐ abrabᴐ mu. Wᴐnyԑ pԑsԑmenkomenya, na wᴐwᴐ anisoadehunu kԑseԑ. Wei nyinaa mu no, ԑsiane sԑ wᴐwᴐ gyidie ne anisoadehunu nti, ԑtᴐ da wᴐnnye deԑ ԑresi ankasa no ntom, anaa wᴐnnye nni. Ԑno nni mu deԑ a anka wᴐn ho yԑ anika, na wᴐhyԑ nnipa nkuran. Memenada mmarima a wᴐfrԑ wᴐn Kwame no yԑ pempen, na wᴐka asԑm sԑdeԑ ԑteԑ. Ԑtᴐ da a, wᴐyԑ sԑdeԑ wᴐyԑ ahomasoᴐ ne dwaeԑ no, nanso ԑnte saa. Ԑkᴐba no saa ԑfiri sԑ wᴐnim deԑ wᴐpԑ, na wᴐmpԑ sԑ wᴐbԑhwere. Wᴐn ahosiesie yԑ wᴐn akoma so adeԑ, na berԑ biara wᴐde sereԑ ka wᴐn ahofa ho. Wᴐyԑ adwumapԑfoᴐ, na wᴐwᴐ anisoadehunu. Nanso sԑ yԑbᴐ wᴐn akyi anaa yԑka wᴐn asԑm a, ԑha wᴐn, na wᴐn bu tumi mpo fu yie. Wᴐdᴐ amammerԑ, wᴐde mmara yԑ adwuma, na wᴐwᴐ akokoᴐduro.
Saa su yinom bi anaa ne nyinaa tumi da adi wᴐ nna a yԑbobᴐ soᴐ yi mu nnipa mu, hwԑ wo deԑ, na deԑ ԑnyԑ wᴐ mu no, yԑ ho adwuma.
Adwadie nkratoɔ
