Mpanimfoɔ se, sɛ adeɛ kye na yɛante asɛm foforɔ a yɛkyiri nanso ɛnnɛ deɛ yɛante asɛm pa.
Asuafoɔ binom a wɔfiri Winneba Suapɔn no mu akɔnya lɔre akwanhyia ama wɔn mu mmiɛnsa ahwere wɔn nkwa ɛnna wɔn mu aduonu-nwɔtwe nso apirapira a ɛmu yɛ den pa ara.
Awerɛhosɛm yi sii Ɛbɔ 9, 2022 wɔ Aperadi ne Somanya kwantempɔn no so wɔ Atɔeɛ mantam mu.
Amanebɔ kyerɛ sɛ, na asuafoɔ yinom tete wɔn bɔs mu nam kwan so rekɔ aporɔbɔ wɔ Afadjato a ɛwɔ Frao mantam mu no. Deɛ amanebɔfoɔ no kaeɛ ne sɛ, wɔnam kwan so rekɔ a wɔresane Aprede bepɔ no, ɔhyɛnkani a na ɔretwi bɔs no antumi atenetene bɔs no yie maa no gyee ne nsam kɔdane tɔɔ ɛku bi a na ɛwɔ hɔ mu.
Ɛbaa saa pɛ na adomfoɔ binom a wɔkɔpuee wɔn so no yɛɛ ntɛm yiyii asuafoɔ no nyinaa. Afei, wɔde wɔn a na wɔn tebea mu yɛ den no kɔɔ Yilo Krobo Manasini Ayaresabea. Dɔkotani a ɔtoo n’anom tuo de nsɛm yi mu nkyerɛkyerɛmu maa yɛn ne Dɔkota Jacqueline Mensah Darkwah.
Deɛ dɔkota yi ka de wiee ne nsɛm no ne sɛ, asuafoɔ aduonu-nwɔtwe a wɔapirapira no deɛ, wɔn teabea no yɛ kakra a wɔgu so ara regye ayaresa.
