Kisikuro a ԑyԑ onipa agyapadeԑ so no yԑ ekuro a ԑtu mmeaeԑ bi te sԑ ᴐbaa “baa ho/so”, ᴐbarima “barima ho/so”, ne beaeԑ a onipa gya ne nan fa no.
Deԑ ԑtaa de ba yԑ nna mu nyarewa anaa ᴐbarima ne ᴐbaa nhyiamudie mu nyarewa ahodoᴐ no, nanso ԑtᴐ da a atoyerԑnkyԑ ne ᴐyaw tumi ma onipa nya saa kisikuro yi. Sԑ nyarewa a ԑma nipadua no ho soasoa yԑ kᴐkᴐᴐ na ԑhyehyeԑ wᴐ onipa no so a, ᴐtumi nya bi. Afie sԑ onipa no nya Epstein-Barr mmoawa no yareԑ no bi a, ᴐtumi nya saa kisisuro yi bi. Ekuro a ԑbԑtᴐ beaeԑ hᴐ akyi no, nsԑkyerԑnne ahodoᴐ bi te sԑ weinom nso pue wᴐ onipa no ho;
- Ԑborᴐ anaa nsaa gugu mmeaԑ hᴐ
- Ԑde yaw ba, anaa ԑtumi nso yԑ onipa no hene pa ara
- Onipa no ahaa mu taa honhono anaa soasoa.
- Ԑnam so ma abunu tumi kye nipa no
Sԑdeԑ kisikuro nkaeԑ no teԑ no, sԑ ekuro no bԑwu anaa ԑbԑyera no gyina ne kᴐfabaeԑ so, ne sԑdeԑ ayarehwԑ no ano den teԑ so. Mpԑn pii no, ԑno ara tumi yera. Sԑ wᴐhwԑ na sԑ nna mu nyarewa na ԑde baeԑ a, dᴐkotani no bԑma wo mmoawa nnuro ne nku ahodoᴐ a wode bԑyeyԑ beaeԑ hᴐ, ama wo deԑ wobԑnom ama no akum mmoawa no. Sԑ wohwԑ wo ho na sԑ woanya nna mu yareԑ a, tu mmirika kᴐhunu dᴐkota a ᴐhwԑ mma ne mmarima “agyapadeԑ” mu nyarewa soᴐ no ntԑm so.
