Guava aduaba no ankasa yε aduaba bi a nnuanennuro ne ahoᴐdennuro a εboa nipadua, ne εmu nhoma nhoma a εboa nipadua no adidie ahyε mu ma. Nnuanennuro ne nnepa ahodoᴐ a ahyε mu ma no na εma no nya apᴐmuden mu mfasoᴐ wᴐ nnipa soᴐ no. Wᴐde guava ahaban nso yε nnuro ahodoᴐ bii a εboa siesie nipadua no.
Deε εdidi soᴐ yi yε apᴐmuden mu mfasoᴐ nnwᴐtwe ahodoᴐ binom a adansedie taa akyire a εwᴐ guava aduaba no ne n’ahaban no so.
- Ɛbεtumi aboa ate asikyire dodoᴐ a εwᴐ mogya mu no so sεdeε εnkᴐfa yareε mma. Adansedie binom kyerε sε, guava tumi boa ma nnipadua no sosᴐ mogya no mu asikyire no ano sεdeε εbεyε a εmmoro so. Nhwehwεmu ahodoᴐ a wᴐayε no wᴐ mmoa soᴐ ma wei da adi pefee. Ɛno akyiri no, nhwehwεmu binom a wᴐde nnipa yεeε ada nsunsuanso pa adi. Asεm pa a εwᴐ wei ho kᴐ ma wᴐn a wᴐwᴐ asikyire yareε ne wᴐn a wᴐhwε a wᴐbεtumi anya bi. Nhwehwεmu ahodoᴐ a wᴐde nnipa yεeε no bi daa adi sε, wᴐn a wᴐwᴐ asikyire yareε a wᴐde guava ahaban yεε tea nomoo no wᴐn adidie akyiri no mogya mu asikyire no so tumi te boroo 10%.
- Ɛtumi hyε akoma no apᴐmuden mu kena. Abᴐdeε mu nyansapεfoᴐ pii gye di sε, nnuanennuro ahodoᴐ ne ahoᴐdennnuro binom te sε Vitamin C ne deε εkeka ho a εwᴐ guava mu no nti, εtumi bᴐ akoma no ho ban firi biribiara a εbεtumi aha akoma no ho. Sε wᴐkyerε mu a, nhoma nhoma ahodoᴐ a εwᴐ mu no boa ma akoma no apᴐmuden si pi si ta, na n’ahaban no nso te mogyaborosoᴐ so.
- Ɛtumi ma yaw a mmaa kᴐ mu wᴐ wᴐn afikyikorᴐ mu no gyae, anaa εte so. Mmaa pii kᴐ yaw kεseε bi te sε yafunu keka mu berε a wᴐabu wᴐn nsa. Na nhwehwεmu kyerε sε guava ahaban no tumi te nsabuo mu yaw no so yie, na wᴐkyerε mu a, ano yε den kyεn nnuro a yεnom de kum yaw no mpo.
- Ɛtumi boa ma aduane a yεdie no dane yε adwuma sεdeε εsε wᴐ nipadua no mu. Guava yε aduaba bi a εwᴐ nhoma nhoma wᴐ mu a εboa yie pa ara wᴐ aduane a nnipa die ne n’adwumayε wᴐ nnipa mu. Wei kyerε sε εboa yafunu no mu dwumadie ahodoᴐ binom ne ayamtim ho nsεnsεm. Adeε bi a εwᴐ aduaba yi ne n’ahaban mu a wᴐfrε no antimicrobial tumi boa sεe biribiara a εwᴐ yafunu no mu a εbεtumi ama obi anya ayamtuo.
- Ɛtumi boa ma obi so te. Guava yε aduane bi a, sε obi pε sε ne so te a, εsε sε ᴐfa no adamfoᴐ. Ɛwᴐ mu sε εbεma wo so ate deε, nanso εnte sε nnuane ahodoᴐ a yεdi ma yεn so teε no. Ɛmma wonhwere nnuane nnuro binom a wohia wᴐ wo nipadua mu. Nhoma ahyε mu ma, na adeε a εma nnipa yε kεse a εwᴐ mu no yε kumaa bi.
- Ɛbεtumi ayε adeε a εbεtumi ako kokoram. Nhwehwεmu kyerε sε εwᴐ adeε bi wᴐ mu a εbεtumi ako kokoram. Wei bεfiri antioxidants a εwᴐ mu a εko tia biribiara a εpε sε εsεe nipadua no nhyehyεeε, a εno ne kokoram kᴐfabaeε. Guava ne n’ahaban no si kokoram kwan, na εmma no nnyini.
- Ɛboa hyε nkwammoa no ahoᴐden mu den. Sε Vitamin C nni obi mu a, nnipa no taa nyinya nyarewa binom. Guava yε kwan baako a ahomeka wᴐ mu a obi bεtumi afa so anya saa nnuanennuro Vitamin C yi. Saa nnuanennuro yi yε adeε a εboa ma nkwammoa no nya ahokeka ne ahoᴐden pa ara.
- Ɛtumi nso siesie honam. Sε obi di guava ne n’ahaban no waano waano a, εboa siesie honam no ma no yε nomenome. Nnuanennuro ahodoᴐ a ahyε mu ma a yεabobᴐ soᴐ no nyinaa yε adeε εyε anwanwadeε wᴐ honam no ani. Ɛte nyini ne sε honam twintwam so, na εma no yε frᴐmfrᴐm.
Apᴐmuden mu nneεma ahodoᴐ yinom nyinaa yε adeε a εkᴐ so wᴐ nnipadua no mu, sε obi de guava di dwuma a. Ɛno akyi no, nnuroyεfoᴐ binom nso ka sε εtumi nsaa anaa εborᴐ, na εyε mmarima nso ho adwuma pa ara. Sε nsaa gu abi na wode hyire fra n’ahaban no yam de sra nipa no a, nsaa no tumi yera. Afei sε barima bi yε mmrε wᴐ mpam na sε ᴐde atadwe ka guava ahaban ho we a, εtumi boa no ma anigyeε ba fie.
