Apɔwmudzen edwuamayɛfo ada no edzi pefee dɛ sigarɛte nom nnyɛ mma hɛn apɔwmudzen. Ohia dɛ yɛbɔ mhɔdzen twe mbabun fi dɛm ndzeyɛɛ yi ho. Sigarɛte nom yɛ adze kor a ɔrehaw ama n’anan nyinara ndɛ mber yi mu. Ndzɛmba bɔn a ɔhaw nyimpadua yi, duawɔtwe na ɔwɔ sigarɛte mu. No mu ebien a omuo koraa nye tar na nicotine. Nkorɔfo pii nyim ɔhaw a ɔwɔ sigarɛte mu naaso wobu hɔn enyi gu do. Siantsir a wɔyɛ dɛm nye dɛ, wɔayɛ nkowaa ama no. Wɔtwe hɔn ho fi ho a ɔnnyɛ yie. Ɔma hɔn enyigye bi kakra wɔ ber a nna oripira hɔn nyimpadua so.
wɔdwen dɛ ɔma wɔyɛ nyimpa soronko bi. Mpɛn pii no, sɛ yɛhwɛ nyimpa wɔ tɛlɛbihyɛn do a yehu dɛ nkorɔfo a hɔn dzin ayɛ atsenka ronom bi. Iyi daadaa mbaabun no ma wɔfa hɔn ho dɛ sɛ wɔnom a nna tserɛ wɔnye nyimpa a ɔronom no gyina gyinabew kor do. Mber edu dɛ aban bɔ mbɔdzen hyɛ mbra ma wogyaa sigarɛte nom. Wɔ tɛlɛbihyɛndo seiseiara no, yehu dɛ wɔakyerɛw no wɔ sigarɛte adakaba no ho dɛ ɔnnyɛ mma hɛn apɔwmudzen naaso sɛ ehwɛ no yie a, ibohu dɛ akyerɛw no yɛ nketsenketse dodow . Iyi mma nkorɔfo nnhu no yie. Ɔwɔ dɛ wosiw nkorɔfo Kwan dɛ wɔbɔnom sigarɛte wɔ kurom na lɔre a etsiafo fow mu.
