Nkorɔfo binom war sika,
Wobinom so war ahoɔfɛw,
‘Yinom fura hɔn adwen nyina
Ma mbom wɔnnhwehwɛ subanfɛw.
Awar nnyɛ agodzi koraa
Naaso nkorɔfo dze dzi agor;
Efuraado efuraado
Na wɔwar ma hɔn bra mu wor;
Awar nnyɛ agodzi .
Edzi dzi agor a
Ɔdan wo akodzi,
Ntsi mma mmfa nndzi agor dabiarada.
Awar nnyɛ agodzi koraa.
‘Bra ne fepemee kortonoo,
‘Bra bɛyɛ yie a, ofir no;
Ɔnnyɛ yie so a, ofir no;
Ntsi ɔnnyɛ agodzi koraa.
Hwɛ, mma mmfa awar nnsi konko
Na awar ho konkosi muo;
Egye wo ba ho sika kɛse a
Noara kor yi ara na otua ;
Ebɛn ntsi na ebɛgye n’ kɛse
Ma ɔdze no asesaw daadze.
Ao,mma mmfa awar nnsi konko
Na awar ho konkosi muo.
M’egya
Mma nngye mo ho sika kɛse ;
Me na
Mma nngye mo ho sika kɛse ;
Egye no kɛse a,
Mo wer na medze botu;
Ntsi sɛ edɔ me ampa a,
Mma nngye sika kɛse koraa.
