Wosusu dɛ woehu abofra bi a ne maame akɔtow no akyen wɔ Nkran kropɔn mantɔw mu wɔ bea bi a ɔbɛn Kemet asopitsi a ɔwɔ Amasaman. Wohun abofra banyimba yi dɛ wɔdze tam akyekyer no ho na ɔda famu wɔ Benada, Fankwa ne da a ɔtɔdo awɔtwe ber a aba ndɔnnum mpaamu anapa. Obi a ɔtse brɔn no do na ohun abofra yi faa no kɔr ayarsabea ma wɔmaa no ayarhwɛ.
Wɔdze asɛm no akɛdan Amasaman aporisifo na mbom wonnya nnhu batan pɔtsee a oedzi dɛm dwuma yi. Amasaman porisi panyin ahyɛ no nhwehwɛmɛ ase wɔ asɛm yi ho.
