Ɔhembaa Elizabeth II kɔ ne nsamankyir ndɛ. Ndɛ, Fankwa 8, 2022, ewimbir yi ara na yeenya ntsee ma ɔregye ehim dɛ Ɔhembaa Elizabeth II enya ne Nyamefrɛ. Buckingham Ahemfie dze dɛm asɛm bɔtoo gua. Iyi yɛ asɛm a ɔregye ehim kɛsenara wɔ dawurbɔ prama akɛse na nkakramba nyinara do.
Wɔwoo Ɔhembaa Elizabeth II wɔ Ebɔbira 21, 1926 mu, na wosii no adze do dɛ ɔhembaa wɔ Obiradzi 2, 1953 mu. Iyi ekyir no na ɔatsena egua no do araa besi ndɛ yi a oegya ne manfoe hɔ akɛdan ne nananom yi. Ɔman Ghana nyaa ne fahodzi wɔ Ngyiresi aborɔfo nsamu wɔ Ɔhembaa Elizabeth II ne ber do. Nna tserɛ, Ɔhembaa Elizabeth II na ɔmaa Ghana a nna wɔfrɛ no Sika Mpoano Mbewdo no fahodzi a yɛwɔ no ndɛ yi.
Yɛma Ɔhembaa Elizabeth II mbo na ndwuma pa a oebedzi aboa wiadze yi wɔ ne mfe eduokron esia (96) a ɔdze no mu eduosuon (70) asom ne man na wiadze yi nyinara dɛ ɔhembaa no. Ɔsor nsie ne kra, na ewuakɔr nye no kun Ɔhemba Philip, Edinburgh Hen, a oedzi wɔ ekuraa no mma no aba yie wɔ nsamankurom. Afei, yɛma Ngyiresi Adehye Ebusua no na Buckingham Ahemfiefo osum a ɔtse dɛm edwir hɔn no HYƐ DZEN.
