Owura bi a oedzi mfe eduonum anan (54years) a ne dzin dze Nana Yaw Manti dze ased (acid) egu ne mpona a oenya mfe duawɔtwe (18years) do wɔ ne na fie. UTV Kyerɛ mu a, Owura yi a ɔyɛ guadzinyi dze sene na mfonyin bi a ɔfa ne mpona yi n’adagyaw ho bɔtoo abaɛfor ntsentan do dze guu Ewuraba yi n’enyim ase.
Ber a mfonyin na sene no tahyee wɔ abaɛfor ntsentan do no, Ewuraba yi na ne na dze asɛm yi kɔdan aporisifo na iyi maa wɔkyer Owura Yaw Manti. Wɔdze no kɔr Koforidua circuit asɛndzibea na wɔbɔɔ no kaw Ghana sidi 1,200 na wɔsanee nso gyee no 1,000 dze ma Ewuraba no dɛ ɔmmfa mpata ne kra.
Ɔnam dɛm asɛm yi ntsi no, banyin yi bɔɔ ne tsir mu pɔw dɛ ɔnye Ewuraba yi bedzi no yayaayaw ɔnam enyimguase a ɔnye ne na dze egu no ntsi . Da kor ewimber bi, banyin yi dze ased koguu mpona yi na ne na do wɔ ne na ne fie hɔ ara. Mpona na ne Maame yi dze su na ntseatsea mu ma hɔn a wɔtse hɔn sɔn mu hɔ dze mbirika bae. Ntsɛm ara, wɔdze Ewuraba yi na ne Maame kɔɔ Tetteh Quashie aban ayarsabea a ɔwɔ Akuapim Mampong. Iyi ekyir no ekyir no, banyin yi dze no ho kɔɔ nsuma mu na aporisifo nso abɔ mbɔdzen akyer no.
