Ɔbrafɛw 1, 2022 na ye yenyaa no ntsee dɛ nyimpakuw bi a wɔfrɛ hɔn ho Eagle Eye a hɔn asɛdze nye dɛ wɔbɔhwɛ dɛ obiara nnkedzi nsɛmbɔn wɔ amanyɛkuw no mu a wɔwɔ NDC amanyɛkuw mu bɔɔ kyenku kɔɔ Nkran bea amanyɛkuw no ne tsir wɔ dɛ wɔdze hɔn haw rokɔto mpanyimfo enyim . Wɔkyerɛ mu a, wodur hɔ no, nna wo hun dɛ ahoma bi sensan ɔfese bi ne ntokura mu. Wobisaa ho asɛm a, mpanyimfo binom kyerɛɛ mu dɛ, ɔyɛ Mbranyimfo Barbara Serwaa Asamoah a ɔyɛ NDC amanyɛkuw no ne kyerɛkyerɛwfo n’abedziekyir no ntokura mu na dɛm ahoma no san.
Kasa maafo nso a odzi Eagle Eye Kuw no enyim no kyerɛ mu a ɔno ɔyɛ kontratanyi nsti onyim dɛ dan kɛse a ɔtse dɛm no onnyi dɛ wɔ ma ahoma no sensan ho. Na kontratanyi nso a osii dan no so dze nhoma a ɔwɔ dan no ho nyinara nso hyehyɛɛ dan no mu ntsi onnhu siantsir a ɔwɔ dɛ ahoma sensan dan no ho. Iyi maa wɔbɔɔ twi Kɔhyɛɛ Ewuraba Barbara n’ɔfese na wokohun mita bi wɔ Ewuraba Barbara n’ɔfese hɔ. Wɔkyerɛ mu Ewuraba Barbara ammfa mbra kwan do na ɔdze gyee mita no dze baa n’ɔfese hɔ.
Iyi ntsi wogyina do ka dɛ Ewuraba Barbara mpaw noara no ho mfi ne gyinabew a okitsa mu siesie no ho. Wɔ ma no dɔnhwer eduonu anan ɔnnyɛ dɛm a dza ɔyɛ no fɛw no bɛyɛ no tan.
