Captain Smart a ɔyɛ guamutsenanyi wɔ Onua Tv maakye dwumadzi do dze abɔto gua dɛ, Ɔmanpanyin n’abedziekyir Dr Mahamudu Bawumia nnyi enyimuyam wɔ Jubilee house. Ɔkyerɛ mu, ɔahwɛ no hann ehu dɛ, Ɔmanpanyin n’abedziekyir na nkyɛ ɔwɔ dɛ ɔyɛ panyin da Economic Management Team (EMT) no ano naaso binom eyi no efi hɔ. Iyi ntsi Ghanafo nntum mmbɔ no sombo wɔ hɛn sikasɛm a ayɛ basaa no ho.
Owura Smart kyerɛ mu a, nyimpakum bi wɔ Jubilee house hɔ wɔfrɛ hɔn “Akyem mafias” a wobu hɔn ho dɛ wɔyɛ Akanfo ntsi wobu Dr Bawumia enyimtsia. Dr Bawumia na ɔda Ghana hɛn sikasɛm kuw ano naaso w’ammfa no annka IMF nkitahodzi ho. Ɔkyerɛ mu mpo a, Ɔmanpanyin dadaw Mahama tuu Dr Bawumia fo wɔ Akyemfo yi ho, osiandɛ ɔnnkyɛr na worubu sarmufo na awonafo enyimtsia.
Ɔkɔr do kaa dɛ, akwangya pii wɔ hɔ a nkyɛ odzi wɔw Dr Bawumia , naaso Akyem mafias yi agye dɛm akwangya yi efir ne nsa mu. Ɔse sɛ yɛhwɛ mpo a, E-levy ho nsɛmnsɛm no mpo wɔammfa n’ano annto mu osiandɛ nna ɔnngye nnto mu. Iyi nye dza Owura Smart dze too gua daano Dwowda a etwa mu yi. Ɔbɛsɛ 24, 2022.
