Asɛnyea bi ato abaayewa bi a wadi mfeɛ dunum wɔ Konongo a ɛwɔ Asante mantam mu.
Nnipa a wɔtete Ahenbrom a ɛwɔ Konongo de too dwa sɛ, wɔda sɔree Wukuada, Ɛbɔ 8, 2022 no, na nnipa bɔnefoɔ binom adi wɔn dehyeɛ Regina Sarfo awu ama wɔde amu no ato wuram baabi.
Yei nti, wɔyɛɛ ntɛm kɔyii aprosifoɔ asotire maa wɔmaa onipa a wakwadare wɔ nsɛmmɔnedie ho nhwehwɛmu mu bɛyɛɛ nwhwehwɛmu wɔ baabi a na amu no da no. Ɔwieeɛ no, wɔmaa amu no so de kɔɔ Stewards Ayaresabea kɔtoo amukorabea sɛdeɛ ɛbɛyɛ a wɔbɛtumi ayɛ nhwehwɛmu ahunu adeɛ pɔtee a ɛkum abɔfra no.
Yei nam so ama aprosifoɔ a wɔwɔ Konongo ne ne mpɔtam hɔ asɔ mmarima mmiɛnsa bi a wɔgye di pa ara sɛ wɔnim abɔfra no wuo no ho bi pa akyi. Saa mmarima yi bɛda aprosifoɔ kokom ara kɔsi sɛ wɔbɛboa ama wɔayɛ nhwehwɛmu biara a ɛfata awie.
Afei nso, Prosipanin a ɔwɔ Asante mantam mu ne abusua a adeɛ atɔ wɔn ani no ahyia ama Ɔpanin pa ara a ɔda aprosifoɔ nyinaa ano wɔ Ghana ha no nso ne abusua no adi nkitaho wɔ tɛlɛfon so abɔ wɔn anohoba sɛ, wɔnka wɔn akoma nto wɔn yam na sɛdeɛ ɛteɛ biara, aprosifoɔ no bɛtaa wɔn akyi ama wɔayɛ nhwehwɛmu a ɛfata biara sɛdeɛ ɛbɛyɛ a wɔde atɛntenenee bɛto deɛ ɛda. Ne saa nti, aprosifoɔ a wɔhwɛ nnipa adwene ne wɔn atenka mu nso de mmoa a ɛfata rema abusua no sɛdeɛ wɔbɛtumi agyina tebea no.
