Anumkuro yԑ kisukuro a ԑtutu onipa anom, anaa onipa se ase nam no ase, anaa ne tԑkyerԑma so nketenkete. Saa Kisikuro yi yԑ deԑ abu pa ara. Nneԑma ahodoᴐ a ԑde anumkuro ba no bi na ԑdidi soᴐ yi;
- Ↄbrԑ mmorosoᴐ
- Sԑ nsesaeԑ anaa nsakraeԑ bi ba nipadua no mu a
- Sԑ nnuanennuro ahodoᴐ a ԑwᴐ nipa no mu no nwie pԑ yԑ a
- Sԑ mmoawa nketewa a wᴐma nyarewa ba onipa bi mu a
- Sԑ obi yare na yareԑ no ano yԑ den a (Yarehono)
Mpԑn pii no, sԑ obi nya anumkuro a, ne home te, ne ho ntene no, na ᴐnnya ne ho sԑdeԑ ᴐpԑ no nanso ne yaw no nhyԑ da mmoro so biara saa. Anumkuro taa yera wᴐ nnawᴐtwe mmienu ntam. Sԑ obi nya anumkuro na sԑ ԑyԑ ne ya pa ara ma no boro so anaa sԑ ԑboro nnawᴐtwe mmienu na ԑnkᴐeԑ a, ԑsԑ sԑ ᴐhwehwԑ ayaresa akyirikwan amonom hᴐ ara.
Anumkuro a ano nyԑ den tu obi a, ԑtwa kuro nkuruwa nkuruwa nkete nkete, na ԑnnya etwa biara. Anumkuro a ano yԑ den no deԑ, ԑtumi nyini yԑ akԑseԑ akԑseԑ a ԑmu dᴐ kᴐ akyiri wᴐ anom nwoma no mu. Nsԑnkyerԑnne ahodoᴐ a ano yԑ den binom a ԑda adi ka wei ho ne sԑ;
- Ԑbi wᴐ hᴐ a ԑnwu ntԑm, ԑtumi boro nnawᴐtwe mmiԑnsa mpo
- Ԑtumi trԑ ba onipa no ano ho nyinaa
- Onipa no brԑ wᴐ adidie ne ᴐnom ho.
- Abunu kye onipa no
- Onipa no nya ayamtuo.
Mpԑn pii no, ԑyԑ a anom kuro no ankasa wu, mpo sԑ wamfa aduro biara anka no a. Sԑ yaw no kᴐ soro a, wo dᴐkota a ᴐyԑ ԑse ho adwuma no bԑma wo nnuro a wᴐde hohoro wᴐn anom anaa wᴐde yeyԑ so ama no ate yaw ne ahometeԑ no so.
Sԑ w’anumkuro no yԑ deԑ ano yԑ de na ԑde nyarewa pii brԑ wo a, hunu wo dᴐkota na gye ayarehwԑ a ԑsԑ.
Berԑ a woretwԑn sԑ ekuro no bԑwu no, wotumi yԑ weinom nso; Fa nkyene gu nsuo mu hohoro w’anom. gyae nsuohyeԑ nom anaa aduane a mako wᴐ mu anaa ano yԑ hye di. Ԑmfa anaa ԑnni biribiara a wᴐde tobaako ayԑ, gyae nsanom. Ԑnni aduane a ankaa wᴐ mu anaa ԑte saa, anaa deԑ nkyene wᴐ mu pii ԑfiri sԑ ԑbԑma ekuro no ayԑ wo ya. Fa nnuro a wᴐde hohoro wᴐn anom hohoro wo deԑ.
