Nnubᴐne mu ntentantᴐ ne nnunom mmorosoᴐ ho nsεnkyerεnne binom a εda adi wᴐ nnipa mu no bi ne suban nsesaeε, yεbea anaa nipasu nsesaeε ne honam ani nsesaeε. Sε w’ani di wo dᴐfo bi nnunom akyi a, nsεnkyerεnne a εsε sε wode w’ani si soᴐ no bi na εdidi soᴐ yi;
- Ne mmᴐdemmᴐ wᴐ sukuu anaa adwumayε mu sesa (εso te ba fam koraa).
- Ↄde ne ho biribiara sie nnipa, ᴐnka n’asεm nkyerε obiara, mpo sε εho nhia sε ᴐde sie a.
- Ↄtaa nya ayᴐnkofa ne mpenatwee mu haw aberε biara.
- Asiane adwuma yε yε no dε, ᴐtaa de ne nkwa anaa n’agyapadeε to asiane mu.
- Ↄwᴐ mmara ne εso die ho haw.
- Ne bo fu basabasa, na n’abufuo nnyε.
- N’atenka nnyina faako. N’atenka taa di ahim.
- Ↄtaa sesa nneεma a n’ani gye ne yε ho mu, anaa ᴐtaa sesa ne nnamfonom
- Ne so tumi te prεko pε anaa ᴐtumi yε kεse prεko pε.
- Nka anaa pampan bᴐne a ani yε nyan anaa ano yε den ba ne ho anaa ne ntaadeε mu.
Nsonsonoeε a εda mmaa ne mmarima nnubᴐnenom mu ntentantᴐ mu
Nhwehwεmu kyerε sε, mmarima ne mmarima nyinaa tᴐ nnubᴐnenom mu ntentan. Mmom, mpεn pii no, mmarima na εyε fo ma wᴐn sε wᴐde nnuro di dwuma wᴐ kwammᴐne so, anaa wᴐtaa wu εsiane nnuro bi a wᴐnom boro so, anaa yεtaa hunu wᴐn wᴐ beaeε a wᴐgye ᴐhyewso ayarehwε εnam nnubᴐnenom mu ntentantᴐ nti. Nanso mmaa mu deε, wᴐn akᴐnnᴐ ma aduane anaa adeε biara ano yε den pa ara, na sε wᴐyare na wᴐn ho tᴐ wᴐn a, εnkyε na wᴐasane ayare.
Nnubᴐne mu ntentantᴐ ho ayaresa
Yεnhyε da nni ayaresa koro de ma nnubᴐnenom mu ntentantᴐ, na mmom sεdeε nyarewa ahodoᴐ binom wowᴐ ayaresa ahodoᴐ no, saa ara nso na εteε wᴐ wei mu. Ayarehwε a wᴐtaa de di wei ho dwuma no bi na εdidi soᴐ yi;
- Adwene mu ayarehwε anaa ayaresa (psychotherapy): Adwene mu ayaresa bi te sε adwene no mu dwumadie ne ne su ho ayaresa, anaa abusua ayaresa tumi boa obi a wᴐatᴐ nnubᴐnenom mu ntentan ma no nya akwan pa a ᴐbεfa so adwene anaa ayε ne nneεma.
- Nneyεeε mu ayaresa (Behavioral therapy): Nneyεeε mu ayaresa yε ayaresa a εboa siesie onipa no nneyεeε. Saa ayaresa yi boa ma n’adwene ba fam na εhyε no nkuran.
- Nnuro: nnuro binom wᴐ hᴐ a mmara da ho a ne nom no tumi boa wᴐn a wᴐda mmerεwyε adi anaa wᴐn a wᴐyε nyaa. Naltrexone boa nsanom, bupropion boa nekᴐten, εnna methadone boa nnuro a wᴐnom de nya honam ani ahoᴐden mmorosoᴐ.
- Ayaresabea nna: Ԑhia sε wᴐgye nnipa bino a wᴐtᴐ nnubᴐnenommu ntentan no to ayaresabea na wᴐyi nnuro a akᴐ ne mu nonyinaa ansa na wᴐahyε ayarehwε a εbεma no agyae korakora no ase.
- Nnipakuo mmoa: Nnamfonom akuo ne akuo ahodoᴐ binom tumi boa ma saa nnipa yinom nya ahotᴐsoᴐ ne mmoa.
Akwan ahodoᴐ pii wᴐ hᴐ a wᴐbεtumi afa so asa nnubᴐnenom mu ntentantᴐ. Sε onipa no si n’adwene pi na ᴐhyε aseε boa ne ho, na ayarehwεfoᴐ no nso de wᴐn mmoa kakra no ka ho a, εboa ma ayarehwε yε hyew hyew.
