Atadwe yε aduaba bi a wᴐwe a mpεn pii no, εho atwintwam na ne dε ne ne hwam reyε akᴐyε te sε kube. Atadwe yε aduadeε a wᴐdii kwan duaa no wᴐ Egypt no mu baako. Wᴐde yε aduane, na wᴐtumi de yε nnuro nso.
Nnuanennuro pii abᴐ atadwe ma sei twom, na wᴐkyerε sε apᴐmuden mu mfasoᴐ a εwᴐ soᴐ no nyε asεmwa. Wᴐkyerε mu a, εtumi sa nyarewa binom, de firi sε εreboa nnuane a yεdie no ama no ayε n’adwuma so de rekᴐsi sε εrete akoma mu nyarewa ahodoᴐ soᴐ.
Apᴐmuden mu mfasoᴐ nsia bi a bεda adi sε εwᴐ atadwe mu na εdidi soᴐ yi.
Adwadie nkratoɔ
- Atadwe kita nnuanennuro ne ahoᴐdennuro pii. Ɛyε aduaba a εso wᴐ mfasoᴐ yie. Ɛmu nnuanennuro no gyina n’ahodoᴐ no so. Yεwᴐ atadwe mu ahodoᴐ atitire mmiεnsa: tuntum, deε εte sε atokᴐsradeε, ne dodoeε. Atadwe sane wᴐ biribi wᴐ mu a εboa siesie honam firi nyini ne sε εbεtwintwam ho. Nhwehwεmu kyerε sε, sε woma no fifi ansa na w’awe a, εma adeε a εwᴐ mu a εboa brε nyini ne honam twintwam ase no kᴐ soro. Bio, atadwe wᴐ biribi a εsi nnuanennuro no kwan na εmma nipadua no ntumi ntwe nnuanennuro no. Wei ho no, wᴐkyerε sε, sε woma no fifi ansa na wode adi dwuma a, εte saa adeε no so ma no yε nipadua no mmrε sε ᴐbεtwe saa nnuanennuro yi de adi nipadua no mu dwuma.
- Ɛboa ma aduane a yεadie no yε adwuma wᴐ nipadua no mu yie. Nhoma nhoma wowᴐ atadwe mu pa ara, na εboa de nneεma a εnyε wᴐ aduane mu no pii ka yεn agyanan ho, na ne saa nti, εma ayamtim ano brε ase. Atadwe kita adeε bi a εtumi boa ma aduane a yεadie no yε n’adwuma waano waano. Nneεma binom te sε catalases, lipases ne amylases a εwᴐ atadwe mu no tumi boa bubu aduane a εwᴐ nsono no mu no mu, yi mframa, anaa sε aduane no ntumi nyε adwuma, ne ayamtuo firi hᴐ. Fa hyε wo tirim sε, εsiane sε εyi mframa a εwᴐ aduane mu no nti, εtumi ma mframa gyina wo yam ma no yε kutuu, εnti yεtu fo sε, wᴐn a wᴐrehyε aseε no mfa no nkakra nkakra ansa na wᴐamia mu.
- Ɛtumi te mogya mu asikyire so. Atadwe bεtumi aboa wo ahwε wo mogya mu asikyiresεm so. Nhwehwεmu kyerε sε, εsiane nhoma nhoma no nti, asikyire a εrekᴐ nipa a ᴐwe atadwe mu no wᴐ fam koraa. Nnuanennuro protein a εwᴐ mu no nso kita amino acid arginine a εwᴐ soro, a εno ma insulin a εwᴐ nipadu no mu no kᴐ soro, a ne mmienu nyinaa tumi boa hwε mogya mu asikyire soᴐ.
- Ɛtumi boa akoma no apᴐmuden. Wei tumi yε yie wᴐ fa bi mu εfiri sε, εwᴐ srade pa bi a εtumi boa te sradeε a εma nnipa nya akomayadeε anaa εma nnipa mu yε duru mmorosoᴐ no so. Ɛtumi nso boa si akoma yadeε a εkye akoma no prεkopε, asensene, ne owuo a εfiri akoma yadeε mu ano. Nhwehwεmu kyerε sε, εboa ma mogya di aforosianeε wᴐ nnipa mu yie, na wei nyinaa nso boa si akomayadeε kwan.
- Ɛtumi nso boa ma nkwammoa no nya ahoᴐden, na εko tia nyarewa nketewa binom, na εma nkwammoa no ho yε den mmorosoᴐ. Nhwehwεmu binom a wᴐyεeε maa no daa adi sε, mmoawa binom a wᴐma nnipa nyarewa no yεε mmrε, berε a wᴐde atadwe kaa wᴐn wᴐ nhwehwεmu no mu no. Wᴐkyerε sε εtumii mmoawa binom te sε, E.coli, Staphylococcus, ne Salmonella. Ɛboa ma nipadua no ko tia nyarewa.
- Ɛtumi ma mmarima ho yε den wᴐ mpam ne nna mu nsεm mu. Abakᴐsεm mu nsεm ne nhwehwεmu kyerε sε, εtumi boa ma nna mu akᴐnnᴐ ne ahoᴐden kᴐ soro. Wᴐde gu nnuro ahodoᴐ a εyε mpam mmrεwyε ho adwuma mu ma no boa mmarima. Alata mmarima de yε nnuro ma mmarima a wᴐn ho nni wᴐ, wᴐn a wᴐn ho nsuo no wᴐ fam, ne wᴐn a wᴐn barima no ntumi nnyina so nkyεre, na εboa ma akᴐnnᴐ kᴐ soro. Wei nyinaa akyiri no, wᴐnyεε adesua pᴐtee biara a εkyerε sε εyε wei wᴐ mmarima mu, nanso nnipa di ho adanseε pa ara.
