Ghana yɛ abibiman a ɛwɔ nsrahwɛbea ahodoɔ wɔ mmeammea. Nsrahwɛbea ahodoɔ pii na ɛwɔ ɔman Ghana mu, nanso emu aduanan baako (41) na agye din yie.
Nsrahwɛbea yi tumi yɛ deɛ ɛda abakɔsɛm bi adi, deɛ ɛkasa fa ɔsom ne gyidie ho, deɛ ɛda abɔdeɛ binom adi ne deɛ ɛkeka ho. Saa mmeaeɛ yi sane tumi yɛ anigyebea ne adesuabea ɛsiane sɛ ɛma nsrahwɛni no kwan ma ne nsa ka nimdeɛ binom a na ɔnni.
Ɛnyɛ temamufoɔ nko ara na wɔwɔ ho kwan sɛ wɔkɔ saa mmeaeɛ hɔ nsrahwɛ, mmom ahɔhoɔ a wɔfiri aman afoforɔ so nso tumi tua sika bɛhwɛ wɔn ani so adeɛ. Wei ma ɔman no nya sika.
Nsrahwɛbea yɛ mfasodeɛ ma ɔman no ne emu nnipa nyinaa. Ɛma adwuma ba ɔman no mu, ɛbɔ yɛn amammerɛ binom ho ban, ɛde sika ba ɔman no mu, ɛma yɛbɔ yɛn nsase ne nsuo kwaeɛ nso ho ban.
Yɛn adesua yi mu no, yɛbɛhwɛ nsrahwɛbea binom a ɛwɔ Ghana
Mantam ahodoɔ 16 no mu.
1. Asante Mantam
- Manhyia Ahemfie
- Asuo Bosomtwe
- Beaeɛ a Ɔkɔmfo Anɔkye de nkrantɛ timm fam no.
- Amammerɛ fie a ɛwɔ Kumasi
- Bonwire kentenwonobea.
- Manhyia Ahemfie Adekoradan
2. Bono Apueɛ mantam
- Kintampɔ asuo a ɛfiri soro sane ba fam no.
- Kintampɔ kuro no mu nsrahwɛ
- Nnoe fie a ɛwɔ Boaben Fiema.
- Fula nsutene a ɛfiri soro ba fam no.
- Tanɔ Boase abodan.
3. Bono Mantam
- Baka a ɛwɔ Bui
- Nsuo mu ban a ɛwɔ Bui.
4. Ahafo Mantam
- Asuo Tanɔ
5. Atifi Mantam
- Nkoa dwa a ɛwɔ Salaga
- Nkramofoɔ dɔtedan a wɔfrɛ no Zayaa a ɛwɔ Wulugu.
- Akuraa ketewa bi a ɛwɔ Mognori.
- Fasuo bi a wɔde bɔɔ temanmufoɔ ho ban firii nkoatɔnfoɔ ho wɔ Nalerigu.
6. Atifi-do Atɔeɛ
- Susono tenabea a ɛwɔ Wechiau
- Gbele agodibea
7. Atifi Apueɛ
- Akuraa ketewa bi a ɛwɔ Kariminga.
- Nakpanduri asuo a ɛfiri soro ba fam.
- Abayifoɔ asoeɛ a ɛwɔ Gambaga.
- Beaeɛ a na Ɔmampanin Kwame Nkroma de no ho sie wɔ Nakpandi ne Kariminga.
- Bunkpurugu botan bi a ɛte sɛ Abibiman asase ho mfoni a wɔayɛ agu krataa so no.
8. Atifi-do Apueɛ
- Mmepɔ a ɛwɔ Tongo.
- Ɔtadeɛ a adɛnkyɛm wɔ mu wɔ Paga.
- Nkoa nsraban a ɛwɔ Pikworo
9. Savana Mantam
- Mole Kwaeɛm
- Nkramofie asɔrefie a akyɛre yie a ɛwɔ Larabanga.
- Ɔboɔ nwanwasoɔ a ɛwɔ Larabanga.
10. Oti Mantam
- Kyabobo nsrahwɛbea
11. Atɔeɛ Anafoɔ
- Bia Kwaeɛm
- Asuo Ankɔbra
12. Mfimfini Mantam
- Abankɛseɛ a ɛwɔ Oguaa
- Abankɛseɛ a ɛwɔ Elmina
- Asin Manso Nsutene no.
- Mpoano ahodoɔ
- Kakum Nsrahwɛbea
13. Atɔeɛ Mantam
- William Abankɛseɛ no
- Santo Antonio Abankɛseɛ no
- Nsuo so adan a ɛwɔ Nzulezu
14. Nkran Mantam
- Osu Abankɛseɛ no
- Prama a wɔasi de kae Kwame Nkrumah
- Fawohodibea
- Beaeɛ a wɔsua Abibinnwom
15. Apueɛ Mantam
- Asuo Firaw
- Ɔbotan a ɛte sɛ kyiniɛ no.
- Tetteh Quarshie kookoofuo no.
- Boti Asuo a ɛfiri soro ba fam no.
16. Firaw Mantam
1. Afadjato bepɔ no
2. Ote asuo a ɛfiri soro ba fam no.
3. Mmepɔ nta no.
4. Kentenwonobea a ɛwɔ Tafe Abuife
Nsrahwɛbea ahodoɔ a yɛabobɔ din wɔ Mantam ahodoɔ mu no na yɛbɛgye berɛ, na yɛahwɛ emu biara mmaako mmaako na yɛasua ɛho adeɛ yie wɔ adesua a ɛbɛdidi soɔ no mu. Ɛha yɛ adesuabea, ɛno nti megye di sɛ woasua biribi. Mma nimdeɛ wei nka wo nko ara wo tirim, kyɛ ma afoforɔ nso bi, na ka ho asɛm.
Mmeaeɛ ahodoɔ a menyaa mmoa:
https://www.researchgate.net/figure/Names-of-the-41-tourist-destinations-in-Ghana_tbl1_282219497
“Ghana tourism – top sites and more | Ghana Info” https://www.ghanainfo.net/ghana-popular-tourist-sites/
