Adinkra Agyinahyɛdeɛ- N’abɔseɛ, deɛ ɛgyina hɔ ma ne mfasoɔ a ɛwɔ so

Amammerɛ ne nnyinahɔma agye din yie wɔ Ghana nsɛnsɛm mu ɛnnɛ. Nanso berɛ ano berɛ ano no, wɔhunu saa asɛm yi sɛ ɛso nni mfasoɔ biara. Sɛ saa na ɛteɛ mpo a, obiara nni hɔ a ɔbɛtumi de anikasɛm a ɛhyɛ Adinkra Agyinahyɛdeɛ ase a ɛboro anisoɔ deɛ so ne honhom mu nkyerɛaseɛ a ahyɛ mu ma no asie.

Adinkra yɛ agyinahyɛdeɛ a ɛfiri Ghanaman mu a ɛgyina hɔ ma adwene ne nhwehwɛmu a nokware ne adwene a ɛmu da hɔ taa akyire na wɔde di adwini wɔ ntoma, ahyɛnsodeɛ ahodoɔ ne kukunwono mu. Agyinahyɛdeɛ pii wɔ hɔ a wɔn nkyerɛaseɛ yɛ soronko, na mpɛn pii no ɛnne ɛbɛ wɔ twaka. Yɛhwɛ Adinkra ntoma no koraa a, na adehyeɛ ne nnipa a wɔdi mu wɔ yɛn mantamu mu na wɔhyɛ, na seesei mpo wɔda so hyɛ.

Adwadie nkratoɔ

Sɛ yɛhwɛ sɛdeɛ agyinahyɛdeɛ yi yɛ anika no a, n’abɔseɛ nso yɛ asumasɛm a ɛda adagya wɔ nnipa pii anim a ɛmu nso da hɔ yie. Adinkra Agyinahyɛdeɛ abɔseɛ ankasa firi Abonofoɔ a wɔwɔ Gyaaman nkyɛn. Nana Kwadwo Agyemang Adinkra a na ɔyɛ Gyaaman hene na ɔyɛɛ saa agyinahyɛdeɛ yinom de ɔno ankasa din too so. Na Abonofoɔ de Adinkra ahyɛnsodeɛ di dwuma kɛse pa ara wɔ kukunwono, nkonnwa ne deɛ ɛkeka ho mu. Gyaaman hene na na ɔfira Adinkra ntoma no. Ꜫdidi mu ara na wei trɛ baa Asanteman ne Akanman nkaeɛ no mu.

Nhwehwɛmu bi kyerɛ sɛ Asantefoɔ kɔkyeree Nana Adinkra kumm no, ɛfiri sɛ wɔhunuu Sikadwa Kofi mfonin wɔ saa agyinahyɛdeɛ no mu.

Nhwehwɛmu bi nso kyerɛ sɛ, Asantefoɔ dii Abonofoɔ so nkunim wieeɛ no, wɔkyerɛ sɛ wɔhyɛɛ adwomfoɔ mpanimfoɔ a wɔyɛ Adinkra Agyinaehyɛdeɛ no maa wɔkyerɛ wɔn adwini no die. Wɔhyɛɛ Gyaaman Hene Nana Kwadwo Adinkra ba a ɔdi kan, Apau, a na wɔkyerɛ sɛ wakwadare wɔ Agyinahyɛdeɛ yi nwene mu no maa ɔkyerɛɛ wɔn nneɛma pii a ɛfa Adinkra agyinahyɛdeɛ no ho. Ano Kasadwini adi ho adanseɛ sɛ, ɔde wei ho akwankyerɛ maa owura bi a ne din de Kwaku Dwaku a ɔwɔ kuro bi a ɛbɛn Kumase a biribi nti wɔammɔ din so.

Mmerɛ rekɔ n’anim no, Akanfoɔ a Mfantsefoɔ, Akuapemfoɔ ne Akyemfoɔ ka ho nyinaa maa Adinkra Agyinahyɛdeɛ yi yɛɛ ade titire wɔ wɔn amammerɛ mu. Nanso wɔn abɔseɛ pa ara deɛ firi Bonoman mu.

Agyinahyɛdeɛ yi yɛ adeɛ a ɛyɛ fɛ na yɛde siesie yɛn ho ne yɛn nneɛma ho deɛ, nanso ɛsane gyina hɔ ma adeɛ a nsɛm a ɛmu yɛ duru ahyɛ mu ma na ɛde amammerɛ mu nyansa, abakɔsɛm mu nsɛm, nnipa nneyɛɛ ne ne suban, mmoa nneyɛɛ, aduadeɛ nkwa ne nneɛma a atwa yɛn ho ahyia bɔbea to dwa. Agyinahyɛdeɛ ahodoɔ pii wɔ hɔ a ɛmu biara nso asekyerɛ da nso firi wɔn ho wɔn ho ho, ɛnna mpɛn pii no wɔn asekyerɛ no ne abɛbuo wɔ twaka. Yɛn nyinaa nim nso sɛ mmɛ yɛ adeɛ a ɛho hia yie wɔ Akanfoɔ amammerɛ mu. Sɛ wode abɛbuo di dwuma a Akanfoɔ bu wo sɛ w’adwene mu abie, ɛsiane sɛ yɛse ɛbɛ yɛ nyansa kasa.

Agyinahyɛdeɛ biara wɔ ne nkyerɛaseɛ soronko, enti berɛ a nnipa nyinaa de anidie rema agyinahyɛdeɛ no wɔ adwinidie mu no, ɛbɛyɛ wɔn a wɔnnyɛ Akanfoɔ no den sɛ wɔde anidie a ɛsɛ bɛma agyinahyɛdeɛ yi wɔ nsɛm bi a wɔka kyerɛ yɛn te sɛ “mmɛ, abɛbuo ne mpanin kasa”  mu ɛsiane sɛ weinom nyinaa ne kasa no nteaseɛ wɔ twaka.

Hwehwɛ Adinkra Aginahyɛdeɛ ahodoɔ a ɛwɔ aseɛ ha yi mu na hunu ɛmu bi asekyerɛ ne deɛ ɛgyina hɔ ma wɔ w’amammerɛ mu. ℇdɔɔso pii, na yɛnhwɛ kakraa bi yi.

ADINKRA AGYINAHYEℇ	EDIN	DEℇ ℇGYINA HↃ MA
	Aya	Ahohyɛsoɔ/nnyinano Asobrakyeɛ Adwenemubue
	Deɛ Ↄnnim no Sua a Ↄhunu	Nimdeɛ
	Abɛ Dua	Mfasoɔ
	Gye Nyame	Nyankopɔn Tumi ne ne Kɛseyɛ
	Akobɛn	Ↄko/Ↄsa mu Ahoboaboa Frɛ Anidahɔ.
	Nyame Nwu na Mawu	Owuo Akyi Abrabɔ
	Nkɔnsɔnkɔnsɔn	Koroyɛ Nnipa Ayɔnkofa
	Akofena	Akokoɔduro Ahoɔden
	Dwannini Mmɛn	Ahobraseɛ ne ahoɔden Nyansa ne Adesua Ahintasɛm
	Nkyinkyim	Denyɛ Sɛ Woredi Dwuma Pii Nsesamu
	Asase yɛ Duru	Asase mu tumi/kronkronyɛ Tumi ne ahoɔden Ahonya ne kɛseyɛ
	Boa Me na Memmoa Wo	Mmoa Nkabom Ↄdɔ
	Duafe	Ↄbaayɛ mu Nneyɛɛ Pa Ↄdɔ a ℇnsa Da.
	ℇpa	Nkoayɛ/Nkoasom Pɛpɛɛpɛyɛ Mmara ne Atɛntenenee
	Adinkrahehe	Kɛseyɛ Adehyeyɛ
	Mpatapo	Asomdwoeɛ Koroyɛ
	Akobɛn	Ↄko/Ↄsa mu ahoboaboa frɛ
	Deɛ Ↄpɛ sɛ Ↄbɛdi Hene	Mpaninnie
	Sankɔfa Dua	Nyansa Nsiesie Mfomsoɔ Siesie
	Sankɔfa	Nyansa Nsiesie Mfomsoɔ Siesie
	Sesa Wo Suban	Nsakyeraeɛ Ahyɛaseɛ Foforɔ
	Fihankra	Ahobammɔ a ɛwɔ efie/Efie mu ahobammɔ
	Adwo	Asomdwoeɛ/Dinnyɛ
	Ↄdɛnkyɛm	Nyansa
	Ntesie/Mate Masie	Nyansa Nimdeɛ
	Ↄsrane	Aboterɛ ne Nteaseɛ
	Mmusuyideɛ	Ahonyadeɛ Pa Honhomsɛm Ahoɔden Ahoteɛ
	Owuo Aforo Adobɛ	Sɛ woreyɛ deɛ ɛyɛ den
	Nya Aboterɛ	Aboterɛ Bɔkɔɔyɛ
	Donno Ntoasoɔ/Nnonnowa	Nkabom Ahoɔden Koroyɛ
	Pa Gya	Ↄsa
	Owuo Atwedeɛ	Onipa Awieeɛ Owuo Da Amansan Kɔn mu
	ℇse ne Tɛkyerɛma	Ayɔnkoyɛ Ahotɔsoɔ Nkɔsoɔ Koroyɛ mu ahoɔden
	Ↄhene Aniwa	Anidahɔ Adefɛɛfɛ
	Donno	Ayeyie
	Funtumfunamfu Dua	Koroyɛ ho Hia wɔ Baabi a Hyɛberɛ yɛ Pɛ.
	Adinkrahene Dua	Kɛseyɛ Adehyeyɛ
	Krado/Mmara Krado	Asɛnnibea tumi/ Mmara ne Ntotoeɛ pa
	Agyindawura	Nokorɛdie Anidahɔ Asɛdeɛ yɛ.
	Sɛpɔ	Atɛntenenee
	Ↄdɔ Nyera fie Kwan	Ↄdɔ mu Tumi Nokorɛdie
	Kwatakye Atikɔ	Akokoɔduro Ahoɔden Mpaninnie
	Mako	Yea Ↄhyew
	Wawa Aba	Biribi mu Nimdeɛ/Nyansa
	Atamfo Bɛbrɛ	Aniberɛ Ahoɔyea
	Osiadan	Adefoforɔ yɛ Sɛ woreyɛ biribi foforɔ
	Ↄkɔdeɛ Mmɔwerɛ	Ahoɔden ne nkabom
	Tumi Te Sɛ Kosua	Amanyɔsɛm Tumi ho Ahometeɛ Tumi mmrɛyɛ Akwansie
	Nsoromma	Nyankopɔn Su/Sunsum Nyanopɔn mu Gyidie Akwankyerɛ
	Kwadwo Baiden	Ani a ℇhwɛ Mmaa Nyinaa
	Ↄhene Tuo	Kɛseyɛ
	Fawohodie	Ahofadie/Fawohodie
	Ↄhene Kyɛ	Ahennie Kɛseyɛ
	Nserewa	Ahonya Biribi mmusoɔ
	Mɛware Wo	Bɔhyɛ
	Ananse Ntentan	Nyansa Ade foforɔ yɛ
	Ↄhene Adwa	Ahennie Ↄman
	Gyawu Atikɔ	Mpaninnie Akokoɔduro Ahoɔden Deɛ Ↄnsuro Adeɛ
	Okuafo Pa	Adwumaden Adwumayɛ ne Edwadie Deɛ mfasoɔ wɔ ne so
	Akokɔ Nan	Abaatanyɛ Bammɔ Tema Deɛ ɔwɔ ɔdɔ
	Etuo ne Akofena	Tumi Mmara Ahobammɔ
	Fofoo	Ahoɔyea Aniberɛ
	Deɛ Wopɛ sɛ Nkurɔfoɔ Yɛ ma Wo no, Yɛ Saa Ma Wɔn	Atɛntenenee Pɛpɛɛpɛyɔ
	Nyamedua	Nyankopɔn ahobammɔ/ Nyankopɔn Nkyɛn.
	Nssa	Korɔgyenn Papa
	Dame Dame	Nyansa Adenim Adefororɔ yɛ
	Pempam Sie	Ahoboa Ahoɔden ne nkabom
	Afofantɔ/Ↄsono Nan Ntam	Deɛ Ↄwɔ Ↄdɔ Deɛ Ne Ho Dwo
	Nyansapɔ	Nyansa Aboterɛ Adwenemubue
	Nyankopɔn Aniwa	Nyankopɔn wɔ Baabiara, na Ↄhunu mmaa nyinaa
	Wo nsa da mu a	Ka Bi Ma Menka Bi Dodoɔ Kasa
	Akoma Ntoasoɔ	Nteaseɛ Koroyɛ Bɛnkorɔ mu Kɔ
	Kramo Bɔne	Nyaatwom ho Kɔkɔbɔ
	Ↄsrane ne Nsoromma	Ↄdɔ Nokorɛdie Ↄdɔ
	Bese Saka	Tumi Deɛ Abu Soɔ Ahonya Nkabom ne Koroyɛ
	Obi Nka Bi	Asomdwoeɛ   Ntɔkwasɛm ne basabasayɛ ho ahwɛyie   Koroyɛ
	Funtumfunamfu Dɛnkyɛnfunamfu/Funtummierku	Ka Bi Ma Menka Bi ne Baakoyɛ, ℇmfa ho ne Nnipakuo Ahodoɔ a Ahyia mu
	Adwera	Ahoteɛ Ahonya Pa Ahonidie
	Tabono	Adwumaden Aboɔduro
	Nyame Nti	Nyankopɔn Adom Nyankopɔn mu Gyidie
	Akoma	Aboterɛ Ↄdɔ ne Nokorɛdie Ahohyɛsoɔ
	ℇban	Ahobammɔ Ahintabea
	Woforo Dua Pa a	Mmoa Nkabom Nkuranhyɛ
	Nkuruma Kɛsɛ	Mpaninyɛ Kɛseyɛ