Fankwa 27, 2022 na nsesa baa mu
Nyienyim
- Bolingo kyerɛ Bolingo Coomunications and Media Consult Ltd, edwumakuw a wɔhyɛ Ghana mbra ase anaa Bolingo Communications and Media Consult LLC, edwumakuw a wɔhyɛ Amereka mbra ase a hɔn adrɛɛse nye 1151 Walker Rd Ste, Dover DE, USA.
- Bolingo (“ye”) bu hɛn dwumadzifo hɔn kokoa mu nsɛm (“dwumadzinyi” anaa “ɔwo”). Dɛm Kokoa mu Mbra yi kyerɛkyerɛ mbrɛ yesi gye, yɛdze, yɛpaa mu ka anaa yɛbɔ wo nsɛm ho ban ber a ibobue hɛn intanɛtse adze a yɛabobɔ edzin wɔ Ɔfa (3) wɔ ase hɔn no mu biara Yɛserɛ wo, kenkan dɛm kokoa mu mbra yi yie. Sɛ enye hɛn nnyɛ adwen wɔ ho a, nam hɛn Imeeli info@bolingoconsult.com do kyerɛw hɛn.
- Dɛm Kokoa mu Mbra yi kata Bolingo intanɛtse adze nyinara na iyinom nye dza wɔka do yi:
- Yekitsa kyɛpɛn dɛ yɛbɛsesa dɛm Kokoa mu Mbra no mu aber biara na siantsir biara Nsesa biara a yɛbɛyɛ no, yɛbɛsesa dɛm Kokoa mu Mbra yi ne “Ber a otwa tun a yɛdze sesae” da no mu dze abɔ wo nkaa. Nsesa anaa ndandanmu biara no bedzi dwuma amonmu hɔ ara ber a edze Kokoa mu Mbra nsesae no bɔto intanɛtse adze no do no, na iyi kyɛpɛn a ɔda nkaabɔ pɔkyee bi a ɔda dɛm nsesa anaa ndandanmu no mu biara do no do.
- Yɛhyɛ wo nkuran dɛ mberano mberano no, ebɔhwɛ dɛm Kokoa mu Mbra yi ama nsesa biara no, eenya ho nkaabɔ. Igu do araa ridzi dwuma wɔ intanɛtse adze no do no, yebobu wo dɛ, yɛama enya no ntsee, agye nsesa a aba Kokoa mu Mbra biara a yɛasesa mu da a yɛdze ato intanɛtse do no ekyir no ato mu.
WO HO NSƐM NE NGYEE
Anhwɛ a yɛbɛfa kwan ahorow do agye wo ho nsɛm. Nsɛm a yɛbɛgye no wɔ intanɛtse adze no do nye: Nsɛm a yɛbɛgye no wɔ intanɛtse adze no do nye:
Wo ho Asɛm
Wo ho asɛm a ɔda wo edzi bi tse dɛ wo dzin, wo Imeeli adrɛɛse na bea a etse ho nsɛm tse dɛ wo nyimpabɛn (dɛ eyɛ banyin anaa basia), wo kurow a ifi mu na w’apɛdze a edze ma hɛn ber a enenam hɛn intanɛtse adze no do no na kyerɛw krataa a wɔdze gye ndzɛmba biara wɔ intanɛtse adze do no. Innyi ho kwan biara dɛ ebɛma hɛn wo ho asɛm biara. Na mbom, ennkɛma hɛn wo ho asɛm no botum esiw wo ndzɛmba binom ho kwan wɔ intanɛtse adze no do.
Wo ho nsɛm a kɔmpiwta no nya ma hɛn
Wo ho nsɛm a kɔmpiwta no nya ma hɛn ber a ibobue hɛn intanɛtse adze no tse dɛ wo IP adrɛɛse, wo intanɛtse nnenammudze a epɛ, wo mber na kratafa ahorow a ahwɛ ansaana na ber a ibobue intanɛtse adze no.
Akyɛdze ahorow a ofi akyɛdze akansi na akyɛdze ahorow mu.
Wo ho nsɛm na nsɛnsɛm bi a edze bɔto gua ber a edze wo ho rehyɛ akyɛdze akansi bi mu anaa iriyiyi nsɛm bi ano.
WO HO NSƐM NO DWUMADZI
Yebenya wo ho nsɛm a ɔyɛ pɛpɛɛpɛr ma hɛn ho kwan ma yɛma wo suahu mapa a ɔyɛ tromtrom a warankasa botum adandan mu. Iyi pɔkyee na yebotum dze wo ho nsɛm a yɛbɛgye no wɔ intanɛtse adze no do no bɛyɛ:
- Yɛdze bɔhwɛ donkomi na akansi ahorow do.
- Yɛdze bɔboa ahyɛ mbra mu dzen na yɛdze eyi nsaman ano.
- Yɛdze bɔboaboa nkanee nsɛnsɛm na mpaapaamu ahorow a dzin biara mmbata ho a yɛdze bedzi dwuma anaa yɛnye afofor dze bedzi dwuma no ano.
- Yɛdze nkaabɔ, kupɔɔno, dawur na nsɛnsɛm bi a ɔfa donkomi na intanɛtse adze no ho bɛma wo.
- Yɛdze bemia intanɛtse adze no dwumadzi no mu ama oeetum asom yie.
- Yɛdze bɔhwɛ, na yɛayɛ mpaapaamu afa dwuma a edze intanɛtse adze no bedzi na dza ɔgye ehin do ama yeetu wo suahu wɔ intanɛtse adze no ho no mpon.
- Yɛbɔbɔ wo nkaa afa nsesa ahorow a yɛbɛyɛ no wɔ intanɛtse adze no do no ho.
- Yɛdze bɛma wo eguadze, dwumadzi na/ anaa nkamfo afofor.
- Yɛdze bedzi guadzi binom ho dwuma dɛ mbrɛ ɔsɛ.
- Yɛdze bebisa nyiano na yɛafrɛ wo wɔ wo dwuma a idzi no wɔ intanɛtse adze no do no ho.
WO HO NSƐM N’EDZIDA
Yebotum akyɛ wo ho nsɛm a yɛagye no wɔ akwan pɔkyee bi do. Yebotum ada wo nsɛm no edzi wɔ dɛm akwan a ɔka do yi do:
Yɛbɛfa mbra kwan do anaa yɛdze bɔbɔ kyɛpɛn ho ban
Yebotum akyɛ wo ho nsɛm mbrɛ mbra ma ho kwan anaa mbrɛ mbra biara a wɔdze dzi dwuma hwehwɛ sɛ yɛgye dzi dɛ wo ho nsɛm a ɔbɔtɔ gua no ho hia dɛ obehia mbra kwan anaa obehia dɛ yɛbɔhwehwɛ mu anaa obotum esiesie hɛn mbra no mbudo anaa ɔbɔbɔ kyɛpɛn, egyapadze na binom ho ban.
Afoforfo Asomfo
Yebotum nye afoforfo a wɔsom hɛn anaa wogyina hɛn ananmu som bɛkyɛ wo ho nsɛm a bi nye nsɛm a wɔmmforaa mu mpaapaamu, dwumadzi ho kyeamedzi ho nsomee, adzetɔfo hɔn nsomee na guadzi ho mboae.
Guadzi ho Nkitahodzi
Yebotum nye afoforfo dze wo mpendo anaa akwanya a ɔbɛma atwe wo mpendo efi mu no bɛkyɛ wo ho nsɛm ɔnam guadzi siantsir ntsi dɛ mbrɛ mbra ma ho kwan.
Hↄn a wↄdze hↄn ho adↄm hɛn no
Yebotum nye hↄn a wↄdze hↄn ho adↄm hɛn no bɛkyɛ wo ho nsɛm. Ber no, yɛbɔhwehwɛ efi hↄn a wↄtse dɛm yinom hɔ dɛ wobedzi dɛm Kokoa mu Mbra yi nyi. Hↄn a wↄdze hↄn ho adↄm hɛn no nye hɛn edwuma no ankasa na hɛn asefo biara, edwuma anyɛnkofo a yɛnye hɔn bɔ mu som anaa edwuma binom a wɔhyɛ hɛn ase anaa yɛnye hɔn hyɛ edwuma kor bi ase.
Guadzi Anyɛnkofo
Yebotum nye hɛn guadzi anyɛnkofo bɛkyɛ wo ho nsɛm ma wɔama wo eguadze, dwumadzi anaa donkomi bi.
Afoforfo Binom
Yebotum nye dawurbɔfo na hɔn a wɔdze dwetsir hyɛ edwuma mu bɛkyɛ wo ho nsɛm a ɔyɛ guadzi ho mpaapaamu ne nyɛe siantsir ho ntsi. Yebotum so nye afoforfo a wɔtse dɛm no akyɛ wo ho nsɛm ɔnam guadzi siantsir ho ntsi dɛ mbrɛ mbra hwehwɛ no.
Ntɔnee anaa Kawbɔ
Sɛ yɛsan hyehyɛ hɛn edwuma no, anaa yɛtɔn hɛn egyapadze ne fa bi anaa ne nyinara, sɛ yɛdze hɛn egyapadze bɔ afofor dze mu anaa edwumakuw fofor bi bɔtɔ a, yɛdze wo ho nsɛm nyinara bɛma dɛm edwumakuw no Sɛ hɛn edwuma no gu anaa yewura kawbɔ mu a, wo ho nsɛm no bɛyɛ egyapadze ama afoforfo anaa afoforfo nsa bɛka. Egye to mu dɛ, dza ɔtse dɛm no botum esi na nyia ɔbɔhwɛ ma dwumadzi a ɔtse dɛm no bɔkɔ do no botum etwa enyidzi ahofama a yɛyɛe wɔ dɛm Kokoa mu Mbra yi mu no do.
Yennyim afoforfo a enye hɔn kyɛ wo ho nsɛm anaa nsɛm a n’ano yɛ dzen hɔn ndzeyɛɛ biara ho hwee na yennyi tum biara dɛ yɛbɔhwɛ anaa yɛbɔtoto afoforfo hɔn haw ato yie. Sɛ emmpɛ dɛ ibenya nkaabɔ, Imeeli nkratow anaa nkɔmbɔtwetwe nkratow biara efi afoforfo hɔ a, ewɔ ho kwan dɛ ebɛfrɛ afoforfo no a ennkɛfa obiara do.
ABAƐFOR MFIR A N’ENYI WƆ DWUMADZI AHOROW A ƆKƆ DO WƆ INTANƐTSE DO
Intanɛtse kukisi na intanɛtse adze nkaabɔ mfonyin anaa Imeeli a n’enyi wɔ dwumadzi ahorow a ɔkɔ do wɔ intanɛtse do
[Yebotum dze intanɛtse kukisi, intanɛtse adze nkaabɔ mfonyin anaa Imeeli a n’enyi wɔ dwumadzi ahorow a ɔkɔ do wɔ intanɛtse do na abaɛfor mfir a n’enyi wɔ dwumadzi ahorow a ɔkɔ do wɔ intanɛtse adze do no binom edzi dwuma wɔ intanɛtse adze no do ama aaboa asesa intanɛtse adze no mbrɛ epɛ na etu wo suahu mpon wɔ ho. Sɛ ekɔ intanɛtse adze no do a, nnyɛ intanɛtse adze do abaɛfor efir a n’enyi wɔ dwumadzi ahorow a ɔkɔ do wɔ intanɛtse adze do no na ɔgye wo ho nsɛm. Wɔayɛ Intanɛtse adze do nnenammudze dodowara dada dɛ wɔngye intanɛtse kukisi nto mu. Ibotum eyi kukisi efi intanɛtse adze do anaa apow wɔ intanɛtse adze do, naaso kaa na hu dɛ ndzeyɛɛ a ɔtse dɛm no nnkɛma intanɛtse adze no ayɛ edwuma papa. Obotum aba dɛ ennkɔpow intanɛtse adze nkaabɔ mfonyin anaa Imeeli a n’enyi wɔ dwumadzi ahorow a ɔkɔ do wɔ intanɛtse do no. Gyangyanbiara, ebɔpow kukisi nyinara anaa ebɛsesa wo intanɛtse nnenammudze ne nhyehyɛɛ no mu bɔto bea a ɔda a ɔbɔbɔ wo nkaa aber biara a wɔbɛma wo kukisi a ɔma wo kwan dɛ gye to mu anaadɛ pow no bobu wo intanɛtse adze no dɛ ɔnnyɛ edwuma.
INTANƐTSE ADZE AFOFOR
Intanɛtse adze no botum awɔ lenke a ogya wo kɔ intanɛtse adze afofor na aapo a nkaabɔ ahorow wɔ do na edwumadze ahorow a wɔnnye hɛn intanɛtse adze no nnyi twaka biara do. Inya nam dɛm lenke yi do fi hɛn intanɛtse adze no do ara pɛr, nsɛm biara a edze bɛma dɛm intanɛtse adze afofor no nnhyɛ hɛn kokoa mu mbra no ase na yennkotum ahyɛ wo bɔ wɔ wo nsɛm no ne bambɔ ho. Ansaana edze wo ho nsɛm biara bɛma intanɛtse adze afofor biara no, otwar dɛ ebɔ wo ho amandzɛɛ fa dɛm intanɛtse adze afofor no hɔn kokoa mu mbra no ho (sɛ wɔwɔ bi a) na otwar dɛ idzi dɛm kokoa mu mbra no do kwan biara do dze bɔ woara wo nsɛm ho ban. Yennyim intanɛtse adze afofor hɔn nsɛm anaa hɔn mbra na bambɔ nhyehyɛɛ nsɛm biara ho hwee. Intanɛtse adze binom a wɔkeka ho, hɔn dwumadzi anaa aapo biara a ɔnye intanɛtse adze afofor no wɔ twaka anaa ɔwɔ intanɛtse adze no do no nyinara no, yennyim ho hwee.
WO HO NSƐM HO BAMBƆ
Yɛdze ntotoe mapa, nyimdzee soronko na bambɔ nhyehyɛɛdze mapa bɔ wo ho nsɛm ho ban. Ber mpo a yɛnam nhyehyɛɛdze mapa do dze robɔ wo ho nsɛm a edze ma hɛn ho ban no, hu dɛ, kaansa hɛn mbɔdzembɔ wɔ wo ho nsɛm bambɔ ho wɔ hɔ mpo a, bambɔ nhyehyɛɛdze biara nnyi hɔ a asɛm biara nnyi ho anaa sɛ obi sɛɛ no a ɔnnkɛyɛ yie. Nsɛm biara a ɔda intanɛtse do no, afoforfo tum ba mu nya bi na binom a wonnyi ho kwan tum sɛɛ no. Ne saso ntsi, yennkotum ahyɛ wo bɔ wɔ bambɔ ketsee ho sɛ edze wo ho nsɛm ma hɛn a.
MBRA A ƆDA HƆ MA MBOFRA
Yɛnnhwehwɛ nsɛm mmfi mbofra hɔ anaa yɛnntɔn mma mbofra a wɔhyɛ mfe duebiasa (13) ase. Sɛ inya no ntsee bi fa nsɛm biara a yɛagyegye fa mbofra a wɔtse dɛm ho a, nam ekyirakwandze a ɔka do yi do hwehwɛ hɛn ekyir akwan.
Fuon nɔmbɛse: +233 502 960 485 / +1 302 546 5137
Imeeli: info@bolingoconsult.com
CALIFORNIA KOKOA MU KYƐPƐN
California Amamfo Mbra Nɔmba Ɔfa 1798.83 a wɔsan frɛ no “Shine The Light” mbra no ma hɛn edwumadzifo a wɔtse California kwan ma wobisa na wonya fi hɛn hɔ kortsee afe biara a wonntua hwee fa nsɛm a ɔfa hosɛm ekuwekuw (sɛ bi wɔ hɔ a) a yɛkyɛe maa afoforfo ɔnam guadzi siantsir ntsi na afoforfo a yɛkyɛe hosɛm maa hɔn wɔ afe a ɔka do no mu no hɔn edzin na hɔn adrɛɛse. Sɛ etse California na epɛ dɛ ibisa dza ɔtse dɛm a, nam hɛn ekyirakwandze a ɔwɔ ase hɔ yi do kyerɛw hɛn w’ebisadze no.
HWEHWƐ HƐN EKYIR AKWAN
Sɛ ewɔ nsɛmbisa anaa adwenkyerɛ fa hɛn Kokoa mu Mbra no ho a, nam ekyirakwandze yinom do hwehwɛ hɛn ekyir akwan:
Fuon nɔmbɛse: +233 502 960 485 / +1 302 546 5137
Imeeli: info@bolingoconsult.com
