Akyerɛkyerɛfo Nkabɔmu Kuw a hɔn nye GNAT, NAGRAT na CCT a wɔdze hɔn ndwuma egu famu no ayɛ no dɛ wɔnye Asoɛe a wɔhwɛ Edwuma ne mmae na Paadzi Nsɛmdo rihyia Ɔberɛfɛw 7, 2022.
Ber a Akyerɛkyerɛfo Nkabɔmu Kuw no nye Asɔɛe a wɔhwɛ Edwuma ne mmae na Paadzi Nsɛnsɛm do hyiae no, egyinaesi ammba, ntsi wɔyɛɛ adwen dɛ wobehyia ndɛ Ɔberɛfɛw 8, 2022. GNAT, NAGRAT na CCT dze too gua dɛ, hɔn edwumayɛfo mfa hɔn ndwuma ngu famu Ɔberɛfɛw 4, 2022 ɔnam dɛ aban edzi hɔn hweambɔ wɔ ber a ɔpaaw Datser Eric Nkansah dɛ ɔmmbɛyɛ Nwomasu Nhwɛdofo Panyin
Owura Isaac Owusu a ɔyɛ panyin a ɔda GNAT Akyerɛkyerɛfo Kuw no ano no kyerɛɛ mu dɛ, aban no enntsie Akyerɛkyerɛfo no asɛm wɔ ber a ɔpaw Datser Eric Nkansah dɛ ɔmbɛyɛ Akyerɛkyerɛfo nyinaa hɔn panyin. Ɔkyerɛ mu dɛ, Akyerɛkyerɛfo Nkabɔmu Kuw no mu mpanyimfo no so nyim Datser Nkansah n’ekyir wɔ nwomasua mu a ɔmmfata dɛ ɔbɛda Akyerɛkyerɛfo ano. Ɔtoaa do dɛ, Akyerɛkyerɛfo bɔkɔ do atsena fie, sɛ aban ennya adwen sakyer wɔ egyinae a oesi no ho a.
