Nsɛnkwaayifo a ne dzin dze Francis Yaw Sarfo a dodowara frɛ no Baba Spirit n’ebusuafo dze da a wɔdze bedzi ne ndaawɔtwe da abɔto gua.
Benada, Fankwa 8, 2022, na ɔbɔtɔ gua dɛ nsɛnkwaayifo Baba spirit aka nkyen egu a nna ɔyɛ awerɛhowsɛm ma ɔman mu no nyinaa. Odzii mfe eduanan-biako (41). Owura Francis Yaw Sarfo fii mu wɔ ber a nna ogudo wɔ ayarsabea regye ayarhwɛ wɔ Asantse Mantɔw mu.
Baba Spirit, kyerɛɛ mu ber a nna ɔtse ase no dɛ, ɔayar mfe kakra nyi na osusu susu dɛ sunsum mu nsɛm bata ne yar no ho na ɔwɔ nyinsom dɛ ɔrennkyɛr, ɔbɛsan egyina ne nan do bio. Ber a ɔrekasa wɔ Bryt tɛlɛbihyɛn do no, ɔda no edzi dɛ, dza adɔktafo kae ara nye dɛ no bogyaa do akɔ famu na ɔno fi hɔ a, wonnhu hwee bio.
Baba Spirit a noara so nye Owura Francis Yaw Sarfo ne ndaawɔtwe dzi no bɔkɔ do wɔ Art Sɛnta, Fankwa 24, 2022 a ɔyɛ Memenda.
